E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Rama: Nuk është gjë e mirë të shohësh njerëz që njeh të dalin para drejtësisë

22 Mars 2025, 15:40, Politikë CNA

Rama: Nuk është gjë e mirë të shohësh njerëz

Ditën e sotme në Tiranë u zhvillua takimi i Komitetit të Politikës së Jashtme të Internacionales Socialiste. Gjatë fjalës së tij, kryeministri Rama ka folur edhe për reformën në drejtësi dhe arrestimet në radhët e politikës.

Rama tha se është e dhimbshme që njerëz të lidhur me politikën po japin llogari para prokurorëve. Kryeministri u shpreh se nga pikëpamja njerëzore nuk është gjë e mirë të çohen përpara drejtësisë njerëz që i njeh për një kohë të gjatë.

“Po luftojmë kundër të gjitha shanseve kur vjen fjala për barazinë para ligjit. Është e dhimbshme që për herë të parë në historinë tonë të shtetit që në 1912, kur shpallëm pavarësinë, shohim njerëz të fuqishëm të lidhur me shtetin politik, qeveri a në opozitë, që japin llogari para prokurorëve të pavarur. Nuk mund t’jua fsheh që në pikëpamjen njerëzore nuk është gjëja më e mirë të shohësh njerëz që i njeh për një kohë të gjatë që çohen përpara drejtësisë për t’u përgjigjur për gjëra të ndryshme. Dhe duke qenë se janë të pafajshëm derisa të provohen fajtorë, këto janë procese që kërkojnë kohën e tyre. Ajo që është e re në Shqipëri, dhe mjaft revolucionare, është që kemi pastruar procesin e drejtësisë përmes një procesi verifikimi dhe kemi dorëzuar shpatën e ndëshkimit nga pushteti ekzekutiv te pushteti gjyqësor. Natyrisht që kjo po ndihmon shumë. Nuk ka aspak dyshim siç po ndihmon”, u shpreh kryeministri./ CNA