E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Zgjedhjet e 11 majit/ Këlliçi prezanton kandidatët për deputetë në Tiranë

22 Mars 2025, 20:47, Politikë CNA

Zgjedhjet e 11 majit/ Këlliçi prezanton kandidatët për
Drejtuesi Politik i Partisë Demokratike për Tiranën, Belind Këlliçi, ditën e sotme ka vizituar degën e PD nr. 15, në Tiranë që mbulon zonat Vaqarr, Pezë dhe Ndroq, ku dhe ka prezantuar kandidatët për deputetë, përfshirë këtu Adriana Kalanë dhe Et’hem Aga.

Këlliçi e cilësoi këtë përfaqësim si një mundësi të jashtëzakonshme për zonat e Tiranës, duke theksuar se për herë të parë, këto zona do të përfaqësohen nga bijtë e denjë të Tiranës, të cilët janë si profesionistë të aftë ashtu edhe mbrojtës të të drejtave të popullit të Tiranës.

Në fjalën e tij, ai kritikoi lënien në harresë të fshatrave piktoreske të Tiranës, të cilët, sipas tij, kanë potencial të madh për zhvillimin turistik, por që janë injoruar nga qeveria aktuale.

Këlliçi theksoi se kjo neglizhencë është e qëllimshme dhe ka një përbuzje të drejtpërdrejtë ndaj popullatës të këtyre zonave.

Postimi i plotë:

Sot isha në degën e PD nr. 15, në zonat Vaqarr, Pezë, Ndroq, ku pata kënaqësinë të prezantoj kandidatët tanë për deputetë.
Si asnjëherë më parë, kjo zonë do përfaqësohet nga bijtë e denjë të Tiranës, znj. Adriana Kalaja dhe z. Ethem Aga. Përveçse qëndrestarë dhe profesionistë të aftë, dy kandidatët tanë janë edhe përfaqësues të popullit tirons, aq shumë të nëpërkëmbur në të drejtat e tyre nga kjo qeveri.
Lënia në harresë totale e fshatrave piktoreske të Tiranës, të cilët shumë lehtë mund të bëheshin pjesë e zhvillimit turistik aq të trumbetuar, është e qëllimshme dhe thellësisht politike.
Kjo harresë merr fund njëherë e mirë me 11 Maj, ku në Tiranë dhe në gjithë Shqiperinë do fryjë era e zhvillimit të qëndrueshëm, real dhe gjithëpërfshirës.
Bashkë do i’a dalim-, shkruan Këlliçi.