E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Karamuço: Veliaj nuk mund të drejtojë Bashkinë e Tiranës nga paraburgimi, krijohet ngërç i madh

22 Mars 2025, 21:31, Politikë CNA

Karamuço: Veliaj nuk mund të drejtojë Bashkinë e

Eksperti i kriminalistikës, Ervin Karamuço, gjatë një intervistë në një emisionin televiziv ka komentuar situatën e krijuar pas arrestimit të kryetarit të Bashkisë së Tiranës, Erion Veliaj, dhe vështirësitë që kjo ka sjellë në drejtimin e institucionit.

Karamuço theksoi se qëndrimi i Veliajt në paraburgim i vështirëson jo vetëm udhëheqjen e shërbimeve të bashkisë, por gjithashtu krijon një frustrim të madh.

Sipas Karamuços, është e pamundur që një kryetar bashkie të drejtojë në mënyrë efikase një institucion nga një ambient paraburgimi, ku nuk ka mundësinë të komunikojë drejtpërdrejtë dhe të koordinojë aktivitetet. Ai shtoi se në situata të tilla, një kalim kompetencash është shumë i vështirë, pasi koha nuk është e mjaftueshme për të deleguar detyra dhe funksione.

“Arrestimi nuk ka zgjatur shumë për t’i dhënë mundësinë atij për të kaluar kompetencat. Nuk mund të bëhet në atë moment kjo gjë, sepse momentet e arrestimit nuk lënë kohë për t’u marrë me çështje të tjera,” shpjegoi Karamuço. Ky ngërç i madh që të komandosh nga Durrësi, Tiranën, duhet ta bësh përmes një personi të besuar, i cili merr kompetencat dhe më pas të kontrollosh se si ky funksionar po i përmbush korrekt këto kompetenca ndërkohë që ai është i izoluar. Duket sikur Veliajt i kanë ardhur zëra nga jashtë që i kanë thënë se i deleguari që ka lënë nuk po merret me ato që i ka thënë ai, apo po shkarkon personat e tij që ka pasur si krah të djathtë. Kështu, kalon në një ngërç shkresash, duke bërë pingpong me to, duke hequr njërin dhe vënë tjetrin, dhe kështu krijohet një problematikë. Shumë po pyesin pse është përfshirë kryeministri, por mos harroni se është bashkia më e madhe e vendit dhe administrimi i shërbimeve kërkon stabilitet, duke pasur parasysh rreth 11 mijë punonjësit që ka. Nëse e lë pa kokë, është problematike,” tha Karamuço.