web counter
LEXO PA REKLAMA!

SHKARKO APP

App Store
Google Play

E fundit!

x

Papa Ilia: Fortlumturia e Tij, Joan, pasues i denjë i kryepiskopit Anastas

23 Mars 2025, 12:17, Politikë CNA

Papa Ilia: Fortlumturia e Tij, Joan, pasues i denjë i kryepiskopit Anastas

Papa Ilia gjatë fjalës së tij në meshën e të Dielës së Tretë të Kreshmës së Madhe mbajtur në Katedralen Ngjallja e Krishtit ka deklaruar se është një nder i Madh që Fortlumturia e Tij, Joani do të jetë pasuesi i Kryepiskopit Anastas.

Papa Ilia theksoi se Kryepiskopi Joan do të udhëheqë me dashuri dhe me virtyt të gjitha kishat.

“Është një gëzim i madh për ne, është nder i madh që nga gjiri i këtij populli i kësaj Mitropolie, Joani do të jetë pasues i flaktë i Kryepiskopit tonë të paharruar Anastasi. Rrugën që kemi përshkruar bashkë është rrugë e pasur me suksese arritje, se kemi gjetur një kishë të shkatërruar dhe me punën që kemi bërë së bashku me Sinodin e Shenjtë është forcuar. Sot është një kishë dinjitoze e barabartë me kishat e shenjta në mbarë botën.

Imzot Joani u fronëzua mitropolit në 25 korrik 1998. Ka qenë një bashkëpunëtor i fuqishëm në pushtetin qendror dhe lokal. Nder dhe krenari që me punën e tij të lavdërueshme, e kanë akorduar me tituj të ndryshëm nderi.

Kujdeset shumë për kopshtin funksional ku mësojnë dhe edukohen fëmijë, funksionon klinika shëndetësore ku vijnë ata që janë sëmurë me vizita falas.

Ndjej veten të sigurtë që me fuqinë që i është dhënë prej së larti ai do të udhëheqë me largpamësi, me dashuri, me virytyt, me cilësi. Të gjithë duhet ta urojmë për shumëvjet kryezot.

Perëndia të dhëntë ditë të gjata, të mira, të bekuara dhe dora jote t’i bekojë të gjithë. I denjë”, u shpreh Papa Ilia./ CNA





Lajmet e fundit nga