web counter
LEXO PA REKLAMA!

SHKARKO APP

App Store
Google Play

“Ndjesi faji ndaj të rinjve të FRPD”/ Rama paralajmërim për zyrtarët socialistë

23 Mars 2025, 10:41, Politikë CNA

“Ndjesi faji ndaj të rinjve të FRPD”/ Rama

Kryeministri Edi Rama gjatë një takimi me socialistët në Vlorë ka treguar se ka një ndjesi faji ndaj të rinjve të FRPD në këtë qytet pasi gjatë një takimi me ta ka patur ankesa për mënyrën se si trajtohen nga zyrtarët socialist për shkak se janë me palën kundërshtare.

Rama ka deklaruar se pas 11 Majit do të ketë zero tolerancë ndaj çdo përfaqësuesi që nuk u jep respekt nuk i trajtojnë në mënyrë të drejtë dhe të barabartë komunitetin e kësaj force politike.

“Dje Zamira më ka bërë një surprizë, besoj është një nga momentet më të veçanta të karrierës time. Më ka ulur në tryezë me 100 djem e vajza të forumit rinor të PD dhe përtej të gjithave ky takim më ka lënë një ndjesi faji ndaj tyre që s’më është ndarë akoma dhe tani.

Ndjesia e faktit është për faktin se ata janë të rinj të angazhuar me forcë tjetër politike, pavarësisht se në Tiranë ka një surrat pa lidhje me fytyrat e djemve e vajzave këtu, më kanë vënë në pozitë të vështirë kur më thanë se si sillen përfaqësuesit e PS me ata që nuk i konsiderojnë pjesë e të njëjtës forcë.

Këto janë minimumi i kodit etik. Dua që së bashku të jemi në një mendje që pas 11 majit të vendosim tolerancë 0 ndaj cdo përfaqësuei që nuk i jep respekt dhe nuk i trajton në mënyrë të drejtë e të barabartë këtë komunitet, aq më pak se janë pjesë e një force politike”, tha Rama./ CNA





Lajmet e fundit nga