Këlliçi-Ramës: Po në ato 30 metra pa lavdi, Kodi do të të mbrojë?!

16 Shkurt 2026, 21:41, Politikë CNA

Këlliçi-Ramës: Po në ato 30 metra pa lavdi, Kodi do

Deputeti i Partisë Demokratike, Belind Këlliçi me anë të një postimi në rrjetet sociale ka shkruar se Rama është gjithnjë i rrethuar nga kordoni i sigurisë.

Këlliçi shkruan se Rama ndodhet brenda një sfere ku shmang çdo instancë ku duhet të japë llogari dhe tani i shtoi dhe imunitetin me Kod.

Duke u ndalur te takimi i së shtunës q Rama zhvilloi me banorët e Durrësit dhe ku u përball me thirrje kundër tij, Këlliçi shkruan se ishte i vetmi moment ku u përball me qytetarët.

Këlliçi shkruan se ato thirrje ndaj Ramës dëshmuan se qytetarët nuk kanë më frikë dhe mllefi ndaj tij do të shtohet më shumë.

Postimi i Këlliçit

Po në ato 30 metra pa lavdi, Kodi do të të mbrojë?!

Edi Rama është gjithnjë i rrethuar me gardë e kordonë sigurie, me audiencë të përzgjedhur mes militantësh e patronazhistësh dhe kontaktin me realitetin e ka zëvendësuar me propagandë.

Një sferë e mbyllur ku ai krekoset çdo ditë. Shmang përballjet në studio, parlamentin, dhe çdo instancë ku duhet të japë llogari.

Tani i shtoi kësaj korace dhe imunitetin ekstra me Kod!!!

Por ajo që ndodhi në Durrës të shtunën, është një copëz që i shpëtoi kontrollit. Eshtë realiteti. Në të vetmin moment nga dera e bashkisë te makina, ku pati ballafaqim me qytetarët, Edi Rama mori këto mesazhe: hajdut pronash, i lidhur me krimin, ku e ke Gysin, dhe padyshim emblematikja, Rama ik.

Kjo pritje do t'i rezervohej kryeministrit më të korruptuar në Europë në çdo shesh, e kudo ku do të kishte një afërsi me njerëzit, jashtë mekanizmit propagandues e filtrave të sigurisë.

Ato 30 metra në Durrës të paçensuruara dot, janë sentimenti i popullit për të, janë e vërteta e qeverisjes 13 vjeçare.

Ato sekonda dëshmojnë se qytetarët nuk kanë më frikë. Kanë ardhur në momentin kur pushteti i korruptuar dhe i lidhur me krimin u ka marrë gjithçka dhe shumë vite të jetës.

Qytetarët nuk duan më vetëm të ndahen nga ky makth 4 mandatesh, por duan drejtësi, pra ndëshkim!

Pas atyre 30 metrave 'ëalk of shame', Edi Rama do marrë çdo masë që e tillë skenë të mos ndodhë më. Po kjo nuk do të thotë që pakënaqësia e mllefi do ikin, meqë s'do shfaqen në publik. Përkundrazi, do shtohen!

Bashkë me qytetarët me motrat e vëllezërit, me të rinjtë e të rejat e këtij vendi do ta manifestojmë me të madhe këtë të vërtetë me 20 shkurt, para zyrës së krimit dhe korrupsionit.

Pas 4 ditësh, me pasion, me energji, me dashuri për Shqipërinë/CNA