E fundit!

10:35 Politikë

Aksi Tiranë-Korçë nën monitorim/ Rama paralajmëron kryebashkiakët: Herën tjetër do flas me emra

Kryeministri Edi Rama ka shprehur kritika për disa kryebas...

Nga bashkëpunimi vëllazëror te zhvillimet rajonale/ Zbardhen diskutimet në takimin Rama-Osmani

16 Shkurt 2026, 12:34, Politikë CNA

Nga bashkëpunimi vëllazëror te zhvillimet rajonale/ Zbardhen

Kryeministri Edi Rama ka zhvilluar sot takim me presidenten e Kosovës, Vjosa Osmani. Në një postim lidhur me takimin presidenca e Kosovës, ka bërë me dije se Rama dhe Osmani diskutuan për marrëdhëniet ndërshtetërore dhe për zhvillimet rajonale.

Në fokus të takimit ishin, koordinimi i ngushtë politik dhe institucional, si dhe përkushtimi i ndërsjellë për intensifikimin e bashkëpunimit në politikën e jashtme, në funksion të avancimit të interesave të përbashkëta strategjike. Të dy liderët theksuan rëndësinë e koordinimit të vazhdueshëm Kosovë–Shqipëri si faktor paqeje dhe stabiliteti në rajon, si dhe rolin konstruktiv të të dyja shteteve në nisma ndërkombëtare që promovojnë paqen dhe bashkëpunimin.

Gjatë takimit u diskutua edhe për bashkëpunimin në kuadër të Bordit të Paqes, duke u theksuar rëndësia e angazhimit të përbashkët në iniciativa globale që promovojnë dialogun, sigurinë dhe vlerat demokratike.

Presidentja Osmani dhe Kryeministri Rama riafirmuan vullnetin e tyre për thellimin e bashkëpunimit vëllazëror ndërmjet dy shteteve, duke vënë theksin në partneritetin ekonomik, zhvillimin e projekteve të përbashkëta dhe krijimin e mundësive konkrete që ndikojnë drejtpërdrejt në afrimin dhe mirëqenien e qytetarëve të të dy vendeve.

Gjatë fjalës së saj, Osmani përgëzoi Ramën për progresin në rrugën drejt Bashkimi Evropian, duke e cilësuar këtë si një dëshmi të angazhimit të qartë evropian të Shqipërisë dhe si një zhvillim që forcon perspektivën evropiane të gjithë rajonit.

Në përmbyllje të takimit, Rama e uroi Osmanin dhe popullin e Kosovës për 18-vjetorin e Pavarësisë së Republikës së Kosovës, duke rikonfirmuar mbështetjen e plotë dhe të palëkundur të Republikës së Shqipërisë për shtetin e Kosovës dhe të ardhmen euroatlantike. /CNA