web counter
LEXO PA REKLAMA!

SHKARKO APP

App Store
Google Play

E fundit!

x

“Prangat tunden për Ramën”/ Baçi: Të dorëhiqet një orë e më parë, zgjidhja e vetme

13 Shkurt 2026, 19:06, Politikë CNA

“Prangat tunden për Ramën”/ Baçi: Të

Deputeti demokrat, Luan Baçi tha sot se kryeministri Edi Rama po bën një luftë shumë të fortë, pasi ndihen nën rrezik ndaj drejtësisë.

I ftuar në “Syri Tv”, Baçi u shpreh se në këtë situatë, e vetmja zgjidhje për vendin është që Rama të japë dorëheqjen sa më parë, që të krijohet terreni për zgjedhje të lira e të ndershme.

“Është radha e Ramës dhe prangat tunden për tek zyra e kryeministrit. Parë në këtë këndvështrim, kemi qenë të bindur që Rama do të bëjë një luftë të shumë të fortë.

Madje, me veprimet që bën ky kryeministër, po pengon hapur drejtësinë. Po pengon hapur atë drejtësi që deri dje me pompozitet e thoshte dhe deklaronte në çdo media se ishte ai dhe partia e tij që kishte këtë arritje të madhe në reformë.

Asgjë nuk ka ndryshuar, ai Ramë që ka qenë. Ka ndryshuar retorika e Ramës dhe mënyra se si ai del përpara shqiptarëve. Pra, sot mbreti ka dalë lakuriq. I njëjti Ramë që kur ky SPAK, ajo drejtësi e reformuar, sulmonte liderët e opozitës, arrestonte në shtëpi e bllokonte në shtëpi liderin e opozitës, kryetarin e Partisë Demokratike, zotin Berisha, në prag të zgjedhjeve, godiste gjithë opozitën në tërësi, Rama i gëzohesh.

Kryeministri të dorëhiqet një orë e më parë për të detyruar që të krijohet terreni për zgjedhje të lira e të ndershme. Ndryshe nuk ka zgjidhje në këtë vend.

Në fakt ashtu duhet të ketë, për mendimin tim. Pavarësisht se shumë analistë, pseudoanalistë nëpër banaqe televizive, anatemojnë opozitën si një opozitë që përdor dhunë në protestë. Shoh, deri tani protestat kanë qenë, për mendimin tim, më se paqësore, më se paqësore. Hedhja e dy, tre, pesë apo 15 molotovëve janë veprime simbolike që shprehin revoltën, zemërimin e qytetarëve dhe asgjë më tepër”,-tha Baçi./CNA

 

 

 





Lajmet e fundit nga