web counter
LEXO PA REKLAMA!

SHKARKO APP

App Store
Google Play

E fundit!

x

Dash Sula i serviloset Ramës: Telefoni im do të jetë 24 orë i hapur

13 Shkurt 2026, 14:13, Politikë CNA

Dash Sula i serviloset Ramës: Telefoni im do të jetë 24 orë

Gjatë prezantimit të tij si kryeinspektor i Përgjithshëm, Dashnor Sula iu servilos kryeministrit Edi Rama duke thënë se vlerëson maksimalisht vizionin e tij.

Më tej, i vijoi “furçat” duke thënë se telefoni i tij do të jetë i hapur 24 orë për çdo qytetar apo inspektor, për çdo problematikë.

“Kam pranuar këtë sfidë sepse vlerësoj maksimalisht për vizionin që keni z.kryeministër. Ndoshta është e paimagjinueshme që një demokrat prej 20 vitesh në politikë…diferenca qëndron në një moment thelbësor, që aty ku unë kam kontribuar për 20 vite, tek qeveria jote mora kurajën, konkurrova, dola i pari dhe vlerësohem dhe kjo është një diferencë. Kushdo qytetar demokrat apo socialist, të besojnë në këto konkurrime, të aplikojnë dhe do ketë drejtësi në fitimin e atij vendi të punës që konkurrojnë.

Ju garantoj sot në ditën e parë të prezantimit që unë tri gjëra i kam të panegociueshme. Do kem të gjithë përkushtimin maksimal gjatë 24 h, telefoni im do jetë i hapur. Do punojmë gjithë bashkë për ato detyra që na jep ligji dhe atë reformë të rëndësishme për ta përmbyllur në fund të vitit 2026.

E dyta, ju garantoj për integritetin tim moral, dhe trupës së kryeinspektorëve që nuk pretendoj që gjithçka do jetë mrekullia, por do ketë një përmirësim të dukshëm. Që nga ato që na jep kompetencë ligji, do ketë drejtësi, çdo rekrutim që do jetë pranë trupës, do ketë shansin zero që të futet në punë nëpërmjet ryshfetit.

Nga i pari tek më i fundit do verifikojmë për cilindo inspektor të Shqipërisë që do duhet të jetë në pozicionin e duhur, me kualifikimin e duhur.

Ju falënderoj për besimin kryeministër. Atë sfidë që më keni vënë përpara do ta përmbushim të gjithë së bashku, ju garantojmë se inspektimi do jetë model”, theksoi Dash Sula./ CNA





Lajmet e fundit nga