web counter
LEXO PA REKLAMA!

SHKARKO APP

App Store
Google Play

E fundit!

x

Dhuna në shkolla/ Kapri kritikon Kumbaron: Masa të pamjaftueshme për shtimin e sigurisë

12 Shkurt 2026, 14:31, Politikë CNA

Dhuna në shkolla/ Kapri kritikon Kumbaron: Masa të pamjaftueshme

Deputeti Erald Kapri u përfshi sot në diskutime të shumta, teksa mbajti edhe fjalën e tij në Kuvend, ku pak më herët kishte kërkuar një interpelancë me ministren e Arsimit, Mirela Kumbaro.

Kapri kritikoi si të pamjaftueshme masën e ndërmarrë për shtimin e punonjësve të sigurisë në shkolla, teksa ngriti edhe akuza për përgjegjësi institucionale në strukturat e ministrisë për fenomenin e dhunës në shkollat e vendit. 

“E kam thirrur këtë interpelancë me ministren Kumbaro për fenomenin që po gërryen familjet shqiptare që është dhuna në shkolla.

Dhe më shumë se një vit më parë të gjithë u tronditëm nga vrasja e 14-vjeçarit Martin Cami dhe pas asaj ngjarjeje qeveria nisi një propagandë shfrenuese, si edhe një censurë paraprake, ndonëse kjo ndalohet me Kushtetutë, duke mbyllur edhe rrjetin social 'TikTok'. Përmasat e dhunës për të cilat i censuron qeveria në shkolla janë të frikshme. Vetë ministria raporton minimumi 2500 raste në vit dhune brenda në shkollat shqiptare. 'Save the Children' ka bërë një studim shumë serioz në shkollat shqiptare dhe thotë të paktën 40% e fëmijëve shqiptarë në sistemin parashkollor kanë përjetuar dhunë dhe çfarë është më e rënda thotë që vetëm gjysmat i kanë raportuar, gjysmat, pra vetëm 20% di ministria, gjysma tjetër nuk raportohet për arsye të tjera. Pra, dhuna si fenomen në shkollat shqiptare është dy herë më e lartë seç e di vetë qeveria.

Tani të jeni të bindur që ministrja Kumbaro do të vijë këtu edhe do të thotë zgjidhja jonë është 160 oficerë të rinj sigurie në shkolla dhe do t’i sjellim shumë shpejt. Pra, kaq ofron qeveria, oficerë sigurie të keqpaguar me pagë minimale, madje dhe të patrajnuar, por ajo që nuk do flasë këtu, ministrja Kumbaro është modeli: dhe modeli i ministres Kumbaro është Arta Dollani. Sa herë që zonja Kumbaro shëtit nga një ministri në ministrinë tjetër, tri njëra pas tjetrës, kjo zonjë e ndjek nga pas duke marrë postet më të rëndësishme”,-tha Kapri./CNA

 

 

 

 

 

 





Lajmet e fundit nga