web counter
LEXO PA REKLAMA!

SHKARKO APP

App Store
Google Play

E fundit!

x

Debate në seancë/ Balla-Berishës: I ke shërbyer gjithë jetën Serbisë, liroje atë foltore se le nam

12 Shkurt 2026, 10:41, Politikë CNA

Debate në seancë/ Balla-Berishës: I ke shërbyer gjithë

Kreu i Grupit Parlamentar të Partisë Socialiste, Taulant Balla, në seancën e sotme plenare i ka bërë thirrje PD-së të distancohet nga dhuna e përdorur në protesta.

Balla tha se duket qartë që personat e përfshirë janë paguar për të kryer akte dhune.

Më tej, në fjalën e tij, Balla është ndalur te gyqi i ish-krerëve të UÇK-së në Hagë, ku kërkoi hartimin e një deklarate, ku t’i bëhet e qartë Hagës se Shqipëria nuk e pranon baltën e hedhur mbi luftën e Kosovës.

Gjatë fjalës së tij, Balla ka hedhur akuza dhe ndaj kryedemokratit Berisha, i cili ato momente kishte bllokuar foltoren, duke i thënë se i ka shërbyer gjithë jetën Serbisë.

 

“PD të distancohet nga dhuna e përdorur në protesta. Personat e përfshirë duket qartë që janë të paguar për të kryer ato akte dhune. Kuvendi i Shqipërisë me urgjencë duhet të shprehet në mbrojtje të policisë së shtetit. Të kërkojmë aplikimin e masave shtesë për paprekshmërinë e policisë së shtetit.

Të ngarkojmë zotin Shehu dhe Hasani në komisionin e Politikës së jashtme, të përgatisim me urgjencë një deklaratë të Kuvendit për t’i bërë të qartë Hagës se Shqipëria dhe shqiptarët, populli shqiptar nuk mund të pranojnë baltën e hedhur mbi luftën çlirimtare të Popullit të Kosovës.

Ti që i ke shërbyer gjithë jetën tënde Serbisë, liroje atë foltore se le nam”, tha Balla.





Lajmet e fundit nga