web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e ministrave të Mbrojtjes të NATO-s/ Vengu: Fokus përshtatja operacionale

12 Shkurt 2026, 09:39, Politikë CNA

Mbledhja e ministrave të Mbrojtjes të NATO-s/ Vengu: Fokus

Ditën e sotme do të zhvillohet në Bruksel mbledhja e ministrave të Mbrojtjes të NATO-s.

Ministri i Mbrojtjes, Pirro Vengu, me anë të një postimi në rrjetet sociale, shkruan se diskutimet fokusohen te përshtatja operacionale e NATO-s dhe shpërndarja më e balancuar e barrës së sigurisë.

Vengu shkruan se siguria euro-atlantike është e pandashme.

 

 

Postimi i Vengut

 

Mirëmëngjes nga Brukseli, ku sot mblidhen ministrat e mbrojtjes të NATO-s.

Në vijim të Samitit të Hagës, ku u vendosën objektiva të reja mbi një lexim realist të mjedisit të sigurisë, diskutimet fokusohen sot te përshtatja operacionale e NATO-s, vendimmarrja më e shpejtë dhe shpërndarja më e balancuar e barrës së sigurisë mes aleatëve.

Vendimi për dislokimin e operacionit Arctic Sentry përreth Groenlandës konfirmon se siguria euro-atlantike është e pandashme: nga veriu strategjik deri në Mesdhe. Në këtë kuadër, forcimi i pozicionimit të Aleancës në krahun juglindor mbetet po aq thelbësor.

Shqipëria i di detyrat e saj dhe i përkthen ato në investime konkrete për sigurinë e vendit dhe të mbarë rajonit.





Lajmet e fundit nga