web counter
LEXO PA REKLAMA!

SHKARKO APP

App Store
Google Play

Berisha: Snajperët e Sokol Bizhgës qëlluan ndaj 4 protestuesve të opozitës

11 Shkurt 2026, 13:05, Politikë CNA

Kryedemokrati Sali Berisha hodhi sot sërish akuza në drejtim të zëvendësdrejtorit të Përgjithshëm të Policisë së Shtetit, Sokol Bizhga.

Sipas Berishës, Bizhga urdhëroi snajperët të qëllojnë katër protestues të opozitës që kishin marrë pjesë dje pas thirrjes së opozitës për tubim.

“Në qoftë se kjo ishte madhështia e qytetarëve, revoltës së tyre, kryengritjes së tyre paqësore, i shëmtuar, antiligjor ishte reagimi i narkoqeverisë, i organizatës kriminale me në krye Edi Ramën ndaj protestuesve paqësorë.

Të tmerruar nga urtia dhe qëndrueshmëria e protestuesve, Edi Rama kishte përgatitur skenarin e gjakderdhjes.

Kishte përgatitur ekzekutimin e protestuesve paqësorë në shesh.

Për këtë qëllim ai kishte vënë në komandë, në krye të banditëve me uniformë, kriminelin famëzi Sokol Bizhga, njeriun që dorëzoi te bandat oficerin e policisë, Gjergj Mehmeti, që ndodhej në makinë me të.

Dhe ky shpëtoi, kurse atë e dogjën të gjallë banditët në rrugën Sarandë-Gjirokastër.

Gjergj Mehmeti u tradhtua nga një i pabesë që meriton të gjitha dënimet për tradhtinë e tij.

Dhe ky kriminel është sot në pozitat më të larta në policinë e Edi Ramës.

Ky urdhëroi snajperët të qëllojnë katër protestues, të cilët në mënyrë absolute nuk po kryenin asnjë veprim ndaj policëve të rendit”,-tha Berisha./CNA

 

 





Lajmet e fundit nga