web counter
LEXO PA REKLAMA!

SHKARKO APP

App Store
Google Play

Trazirat në protestë/ Berisha: Sulmi ndaj deputetëve dëshmon se Rama kërkon përballje civile

11 Shkurt 2026, 13:23, Politikë CNA

Trazirat në protestë/ Berisha: Sulmi ndaj deputetëve dëshmon

Kryetari i Partisë Demokratike, Sali Berisha, në konferencën me gazetarët tha se efektivët goditën deputetin Bledion Nallbati me urdhër të Ramës.

Berisha u shpreh se sulmi fizik ndaj deputetëve të opozitës tregon që Rama kërkon përballje civile.

Kryedemokrati u shpreh se Rama është një hakmarrës primitiv, i cili është i gatshëm të bëjë çdo gjë për t’i shpëtuar ligjit.

Sa i përket protestës së 10 shkurtit, Berisha u shpreh se u faktua që Rama është i pashpresë.

 

“U vërsulën me urdhër të veçantë, goditën dhe keqtrajtuan deputetin Bledion Nallbati, me urdhër të Edi Ramës, i cili në mënyrë absolute nuk po kryente asnjë veprim, përveçse po ndihmonte një të mitur që po e keqtrajtonin. Akt politik kriminal. Goditja publike e Bledion Nallbatit, përpjekja për ta asfiksuar me gaz në fytyrë përbën një krim të shëmtuar, një hakmarrje primitive të Edi Ramës ndaj deputetit guximtar, Bledion Nallbati. Qëndrim brutal, të dhunshëm, kriminal, kanë mbajtur ndaj deputetit Zija Ismaili, doktor Zija Ismaili, i cili, edhe ai po protestonte krejtësisht në përputhje me standardet tona të revoltës paqësore. Sulmi fizik ndaj deputetëve të opozitës dëshmon se Edi Rama kërkon përballje civile. Edi Rama është një hakmarrës primitiv, i cili për t’i shpëtuar ligjit nga miliardat që ka vjedhur së bashku me Lubinë, është i gatshëm të kryejë çdo veprim vetëm e vetëm t’i shpëtojë ligjin. Por unë e garantoj Edi Ramën se është absolutisht i pashpresë. Ajo kryengritje paqësore e 10 shkurtit faktoi pikërisht këtë. Edi Rama është i pashpresë”, tha Berisha.





Lajmet e fundit nga