E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

Analisti: Opozita, e bindur që nuk mund t’i fitojë zgjedhjet me Ramën kryeministër

11 Shkurt 2026, 17:32, Politikë CNA

Analisti: Opozita, e bindur që nuk mund t’i fitojë zgjedhjet me

Analisti dhe gazetari Mentor Kikia ka deklaruar për CNA se, rruga më e mirë dhe më e frytshme për të ndërruar qeveritë është vota, kur njerëzit zgjedhin me vullnetin e tyre të lirë.

Kikia thekson se, rrëzimi i qeverisë me protesta/revolta janë raste jo demokratike, jo të zakonshme dhe mbi të gjitha, me kosto sociale, shoqërore dhe ekonomike.

Por sipas analistit opozita është e bindur se ajo nuk mund t’i fitojë zgjedhjet derisa Edi Rama të jetë kryeministër sepse ai dhe mazhoranca socialiste i manipulojnë zgjedhjet dhe raporti i OSBE-së për zgjedhjet e Majit 2025, i dha të drejtë shumë prej pretendimeve të saj.

Kikia nënvizon se kjo është arsyeja pse opozita ka ftuar njerëzit që të bëhen bashkë për ta detyruar qeverinë “Rama 4” të japë dorëheqjen dhe të krijohet një qeveri tranzitore për të bërë reformat e nevojshme, e pastaj vendi të kalojë në zgjedhje të parakohshme.

“Rruga më e mirë dhe më e frytshme për të ndërruar qeveritë është vota. Dita kur njerëzit zgjedhin, me vullnetin e tyre të lirë, nëse do të mbajnë qeverinë që kanë apo do ta zëvendësojnë atë, duhej të ishte një ditë feste. Por, veçanërisht në Shqipëri, zgjedhjet nuk janë një ditë feste, përkundrazi.

Rrëzimi i qeverisë me protesta/revolta janë raste jo demokratike, jo të zakonshme dhe mbi të gjitha, me kosto sociale, shoqërore dhe ekonomike. Por opozita është e bindur tashmë se ajo nuk mund t’i fitojë zgjedhjet derisa Edi Rama të jetë kryeministër sepse ai dhe mazhoranca socialiste i manipulojnë zgjedhjet. Dhe raporti i OSBE-së për zgjedhjet e Majit 2025, i dha të drejtë shumë prej pretendimeve të saj. Për këtë arsye opozita ka ftuar njerëzit që të bëhen bashkë për ta detyruar qeverinë “Rama 4” të japë dorëheqjn dhe të krijohet një qeveri tranzitore për të bërë reformat e nevojshme, e pastaj vendi të kalojë në zgjedhje të parakohshme”, ka deklaruar Kikia për CNA.