web counter
LEXO PA REKLAMA!

SHKARKO APP

App Store
Google Play

Qendra e Drejtësisë/ Çela: Projekt vizionar, të merren parasysh edhe nevojat e institucioneve

12 Shkurt 2026, 12:32, Politikë CNA

Qendra e Drejtësisë/ Çela: Projekt vizionar, të merren

Kryeprokurori Olsian Çela ishte sot i pranishëm në prezantimin e programit për konkursin ndërkombëtar të Qendrës së Drejtësisë.

Në fjalën e tij, Çela e konsideroi si një proces serioz e vizonar, që do t’u shërbejë shumë institucioneve të sistemit të drejtësisë.

Ndër të tjera, Çela u ndal edhe te një shqetësim që lidhet me afatin kohor që do të marrë realizimi i plotë i procesit, duke kujtuar se gjatë kësaj kohe duhen marrë parasysh edhe nevojat e këtyre institucioneve.

“Do ta vlerësoja shumë pozitivisht këtë proces që ka nisur. Ka disa vite që ne bëjmë përpjekje të përbashkëta për sistemin gjyqësor, për gjetjen e një zgjidhjeje për prokuroritë e Shkallës së Parë dhe Gjykatave të Apelit. Procesi dukej sikur kishte ngecur, por ka pasur një pikënisje dhe është një proces mjaft serioz e vizionar. Mendoj se është zgjidhje afatagjatë dhe moderne. U përgjigjet atyre që pak a shumë janë nevojat tona, edhe duke pasur një fleksibilitet. I vetmi shqetësim që kam dhe që e kam biseduar edhe me ministrin është që, duke pasur parasysh afatet që duhen për zhvillimin e projektit, deri në zhvillimin e tij, do të duhet njëkohësisht të marrin në konsideratë edhe nevojat që mund të kenë këto institucione deri në mbërritjen në pikën finale”,-tha Çela./CNA

 

 

 

 

 





Lajmet e fundit nga