web counter
LEXO PA REKLAMA!

SHKARKO APP

App Store
Google Play

E fundit!

x

“PS, grup kriminal”/ Këlliçi, akuza qeverisë

13 Shkurt 2026, 09:21, Politikë CNA

“PS, grup kriminal”/ Këlliçi, akuza qeverisë

Deputeti i Partisë Demokratike, Belind Këlliçi, ka hedhur akuza të forta ndaj Partisë Socialiste dhe kryeministrit Edi Rama, duke e cilësuar këtë forcë politike si një “grup kriminal” që, sipas tij, përdor institucionet shtetërore për të përvetësuar paratë e qytetarëve.

Këlliçi u shpreh se qeveria e drejtuar nga Edi Rama e ka dëmtuar rëndë imazhin e Shqipërisë në arenën ndërkombëtare.

Ai tha se vendi është krahasuar me shtete që përballen me probleme të theksuara të krimit të organizuar, duke shtuar se “Shqipëria është futur në hartë si narkoshtet”.

Deputeti theksoi se një media amerikane ka qenë e para që në vitin 2016 ka përdorur termin “narkoshtet” për Shqipërinë, në kontekstin e asaj që ai e quajti politikë të kanabizimit të vendit nga qeveria.

Sipas Këlliçit, që prej vitit 2016, PD ka denoncuar vazhdimisht me prova atë që ai e konsideron përkeqësim të situatës së rendit dhe sigurisë në vend, duke akuzuar kryeministrin Rama për përgjegjësi direkte në këtë proces.

“Problemi është që kjo forcë politike është shndërruar në grup kriminal, shkon në zyrat e shtetit për të vjedhur paratë e qytetarëve.

Gonzatos i tha ti je poshtë, unë jam lart, vazhdon historitë me Kinën, marrëdhënien me interesa ruse. E ka futur Shqipërinë në hartën ku po na krahasojnë me Meksikën.

Media e parë në botë që ka shkruar për narkoshtetin shqiptar ka qenë një media amerikane dhe ka shkruar në 2016 ku Rama kishte politikë kanabizimin e Shqipërisë.

PD nga ai vit ka vërtetuar nga ai vit, me prova realitetin e trishtë kur Rama e ka futur Shqipërinë në hartë si narkoshtet”, tha Këlliçi./ CNA





Lajmet e fundit nga