web counter
LEXO PA REKLAMA!

SHKARKO APP

App Store
Google Play

Arrestimi i 7 të miturve të protestës/ Noka: Akt mizor, do përgjigjemi më 20 shkurt

13 Shkurt 2026, 16:20, Politikë CNA

Arrestimi i 7 të miturve të protestës/ Noka: Akt mizor, do

Sekretari i Përgjithshëm i Partisë Demokratike, Flamur Noka ka reaguar lidhur me arrestimin e shtatë të miturve nga protesta e opozitës më 10 shkurt, ndaj së cilëve Gjykata e Tiranës caktoi sot masën e sigurisë me detyrim paraqitje.

Në një prononcim për mediat, Noka u shpreh se arrestimi i tyre përbën një akt mizor që nuk ndodh në asnjë vend demokratik.

Sipas Nokës, demokratët do të japin përgjigjen e merituar për këtë akt në protestën e radhës më 20 shkurt.

“E para, arrestimi i minorenëve dhe keqtrajtimi i tyre është një akt mizor që në asnjë vend demokratik nuk ndodh. Ata minorenë sot deklaruan të gjithë që janë dhunuar barbarisht në qelitë e komisariatit.

E dyta, që tregon, se sa akte kriminale kryen narko-policia, është fakti që edhe psikologun që jua kanë servirur si psikolog të miturve ka qenë punonjës policie. Dhe kjo është shumë e rëndë. Nuk ndodh në asnjë vend demokratik përveçse në regjime. Kjo gjë që ka ndodhur me grupin e të miturve.

Shqiptarët janë në protestë, të rinj, të reja. Kanë ardhur familje të tëra, sepse, kanë ardhur familje të tëra në protestë. Sepse kjo është protestë qytetare, kjo është revoltë qytetare.

Presioni ju është bërë për t'i akuzuar si grup i strukturuar kriminal. Është në kufijtë e çmendurisë. Ajo që ka ndodhur në qelitë e komisariateve me këta minorenë. Individë që kanë ardhur me familjet e tyre për të protestuar, akuzohen dhe shantazhoheshin, keqtrajtohen, dhunohen që të pranojnë që kanë qenë bashkë dhe janë organizuar. Janë grup i organizuar. Kjo është, kjo nuk mund të përshkruhet. Po kjo tregon një gjë tjetër. Terrori, dhuna tregon panikun. Ata mendojnë se me këtë formë do t'i nënshtrojnë demokratët. Jo. Sa më shumë, të ushtrojnë terror dhe dhunë, aq më shumë revolta rritet dhe aq më shumë do shkohet drejt kryengritjes.

Datën 20 do ta marrë përgjigjen edhe banditi dhe të gjithë banditët me uniformë, Prodat dhe të tjerët, që kanë dhunuar, keqtrajtuar dhe terrorizuar minorenet. Por do ta marrë edhe Edi Rama si kreu i narko-shtetit. Nuk ka ndalim”,-tha Noka./CNA

 

 

 





Lajmet e fundit nga