E fundit!

11:43 Aktualitet

Vrau me thikë fqinjin/ Gjykata e Durrësit cakton masën e sigurisë për 25-vjeçarin

Gjykata e Durrësit ka caktuar masën e sigurisë “arrest në ...

EKSKLUZIVE/ Rama "shkartis" qeverinë

14 Shkurt 2026, 10:24, Politikë CNA

Kryeministri Edi Rama, pas vendimit të fundit pa vendim të Gjykatës Kushtetuese, megjithëse deklaroi se nuk ka nxitim për zëvendësimin e zëvendëskryeministres dhe ministres së Infrastrukturës dhe Energjisë Belinda Balluku, duket se ka bërë gati disa ndryshime në qeveri.

Termi i duhur do të ishte një 'shkartisje'. Pesë muaj pasi shpalli qeverinë e tij në 11 shtator të 2025, me shumë surpriza dhe emra të rinj, kryeministri Edi Rama po bën gati qeverinë e tij të re, 'Rama' 4, 5, 6, nuk ka rëndësi numri, sepse prej 13 vitesh Edi Rama vazhdon të jetë kryeministër i Shqipërisë dhe ndryshimet e tij në qeveri kanë qenë të shpeshta.

CNA ka mësuar nga burime zyrtare se lëvizjet në qeveri pritet të jenë në disa nga ministritë më kryesore.

Së pari, Ministria e Infrastrukturës dhe Energjisë, e cila, sipas burimeve zyrtare të siguruara nga CNA, pritet të ndahet në dy institucione, pra në dy ministri të ndryshme: Infrastruktura dhe Energjetika nuk do të jenë më bashkë.

Ndryshime pritet të ketë, sipas të njëjtave burime, edhe në Ministrinë e Drejtësisë, Ministrinë e Brendshme dhe disa ministri të tjera, nga të cilat kryeministri Edi Rama ka pasur shumë pritshmëri me emërimet e bëra pesë muaj më parë, por që me sa duket nuk janë përmbushur.

Pas vendimit pa vendim të Gjykatës Kushtetuese, janë bërë lëvizje të shumta në institucione të rëndësishme.

Ndryshimet priten së shpejti dhe kryeministri Rama lëvizjen e tij pritet ta bëjë në një mbledhje të Asamblesë së Partisë Socialiste, e cila, edhe pse ende nuk është njoftuar, pritet të mbahet së afërmi./ CNA