web counter
LEXO PA REKLAMA!

SHKARKO APP

E fundit!

x

Dash Sula në krah të Ramës/ Berisha nuk përmbahet: E ka haram qumështin e nënës

14 Shkurt 2026, 13:46, Politikë CNA

Dash Sula në krah të Ramës/ Berisha nuk përmbahet: E ka

Kreu i PD-së, Sali Berisha, nuk është përmbajtur ndaj Dashnor Sulës, i cili së fundi është rreshtuar krah kryeministrit Edi Rama që i ka dhënë postin e kryeinspektorit të Përgjithshëm.

Pyetjes pse Dash Sula për 8 muaj doli nga rreshti i PD-së, Berisha iu përgjigj: Sepse ka haram qumështin e nënës së tij.

“Sepse ka haram qumështin e nënës së tij.

Sepse ka zero karakter. Dhe unë të falënderoj shumë dhe të përshëndes shumë përzemërsisht ju si qëndrestarë.

Ne jemi në kushtet më të vështira. Ke qëndruar në kushtet e një diskriminimi të pashembullt, të një presioni, të një shtypje nga narkoshteti dhe organizata kriminale.

Nga terrori psikologjik i banalistëve, të cilët janë një llum njerëzor që nuk kanë as moral, as dinjitet. Që përpiqen nga mëngjesi gjer në darkë t'ju mashtrojnë juve.

Karikatura njerëzore të cilët mbahen, ushqehen me paratë e taksave tuaja dhe janë bërë milionere me vila e pasuri, duke ju mashtruar juve, duke shpifur, duke sulmuar opozitën.

E patë se çfarë bëri, organizonte dje protestën sikur ne paskemi goditur kameramanin.

Ti dëgjosh të tjerët se ç’po thonë tani.

Dëgjoi se agjenturat e huaja duan të rrëzojnë Edi Ramën. Mirëpo ka një gjë të bukur kësaj here. Kësaj here nuk thonë dot Beogradi, siç thoshin paraardhësit e tyre, se ky e ka vëlla Vuçiçin dhe nuk guxon të thotë që Vuçiçi do të rrëzojë Ramën, por agjenturat e huaja thonë.

Apo tjetër, thonë se institucionet shuhen, ka të drejtë Rama, duhet ligji. Se po iki Lubia shuhet institucioni, se po iku Rama shuhet institucioni.

Këta janë primitivë ekstremë dhe tregojnë se cila është mendësia e tyre e ulët për shtetin privat. Shteti, sipas tyre, është pronë e tyre, pronë e këtyre hajdutëve.

Por ne jemi të tjerë dhe do t’ua tregojmë se nuk është kështu, kurrë”, tha Berisha./ CNA





Lajmet e fundit nga