E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Nisma ligjore e PS-së/ Noka: Rama kërcen pupthi nga halli se i erdhi radha e burgut

16 Shkurt 2026, 17:45, Politikë CNA

Nisma ligjore e PS-së/ Noka: Rama kërcen pupthi nga halli se i erdhi

Sekretari i Përgjithshëm i Partisë Demokratike, Flamur Noka ka reaguar sot lidhur me nismën ligjore të propozuar nga Partia Socialiste për pezullimin e ministrave.

Përmes një shkrimi të gjatë në rrjetet e tij sociale, Noka thekson se shqetësimi më i madh i kryeministrit është vetëm një frikë e tij, pasi i dhimbset vetja nga ideja e burgut.

Reagimi i plotë:

Kryeministri që, në shkelje kryekëput të autonomisë së pushtetit vendor, hynte e dilte nga Bashkia e Tiranës si kryetar i saj, qenka shqetësuar për ndarjen e pushteteve në Shqipëri.

Edi Rama që futi në xhep parlamentin, presidentin, bashkitë, mediat dhe rrëmbeu patentën e shpikjes së "Drejtësisë së Re" duke u bërë i paprekshëm, i duket krejt absurde që një prokuror i republikës të kërkojë pezullimin nga detyra të ministres së kapur në korrupsion. Rama i ka dhënë Ballukut statusin e paprekshmërisë, prandaj tërbohet kryeministri dhe pyet si i habitur, po si mund të pezullohet një e paprekshme si ajo?

Edi Ramës nuk i dhimbset Balluku. I dhimbset vetja. Këtë e kanë parë të gjithë shqiptarët.

Rama kërcen pupthi nga halli se i erdhi radha e burgut. Doemos, një politikan që vokacion ka burgun, herët a vonë do përfundojë në burg.

Një kryeministër që kërkoi ta shtypte varfërinë me burg dhe e ktheu burgun në lajtmotiv të qeverisjes së tij, duke propozuar ndryshime në Kodin Penal, të tilla si:

Nëse përbuz udhëheqësit e shtetit kryen 3 vjet burg.

Nëse nuk të dalin paratë për të paguar faturat, e paguan me 3 vjet burg.

Burg deri në 3 vjet nëse parkon dysh në rrugë, pavarësisht se mungojnë xhepat e qëndrimit ku të hapësh krahun.

Edi Rama shkeljen e zgjidh me burg.

Po kur e shkel Edi Rama, si zgjidhet?

Ndryshimet në ligj që ai kërkon të sjell janë ligjërim i paprekshmërisë së kupolës, i pandëshkueshmërisë së tij dhe rrethit të vet korruptiv. Rama po na thotë "Unë jam mbi gjykatën".

Nëse ka një status mbi pushtetet, atë e gëzon vetëm sovrani. I takon sovranit të shprehet në dt. 20 shkurt, përpara kryeministrisë./CNA