web counter
LEXO PA REKLAMA!

SHKARKO APP

App Store
Google Play

E fundit!

x

“Republika e të korruptuarve”/ Tabaku: Rrezik nga mungesa e auditit të thellë në institucione

16 Shkurt 2026, 15:52, Politikë CNA

“Republika e të korruptuarve”/ Tabaku: Rrezik nga mungesa e

Deputetja demokrate, Jorida Tabaku tha sot se mungesa e një auditi të thelluar financiar në institucionet publike ka rrezik ta kthejë vendin në një ‘republikë të të korruptuarve’.

Në fjalën e saj në Komisionin  për Çështjet Ligjore, Tabaku u shpreh se edhe në Shqipëri, sikurse në vendet e BE-së, infrastruktura kritike digjitale duhet të jetë 100% nën kontroll shtetëror, për shkak të ndjeshmërisë së të dhënave dhe implikimeve për sigurinë kombëtare.

“Nëse një institucion është nën akuzë për shpërdorim dhe lidhje kriminale, përse nuk kryhet më parë një audit i thelluar financiar, teknik dhe i sigurisë? Mungesa e auditimit krijon dyshime të forta se reforma synon të zhvendosë përgjegjësinë, jo ta sqarojë atë. Kush do të kujdeset për sigurinë kombëtare? Kush do të kujdeset për të dhënat e shqiptarëve që mos dalin sheshit? Në vendet e Bashkimit Europian, infrastruktura kritike digjitale është 100% nën kontroll shtetëror, pikërisht për shkak të ndjeshmërisë së të dhënave dhe implikimeve për sigurinë kombëtare. Transferimi i saj në një strukturë hibride publik-privat, pa garanci të qarta dhe pa konsultim me autoritetet e mbrojtjes së të dhënave, përbën një precedent të rrezikshëm. Ligje që e kanë kthyer parlamentin në noter, theksoi ajo, duke shtuar se kjo nismë është një hap tjetër drejt institucionalizimit të pandëshkueshmërisë”,-tha Tabaku./CNA





Lajmet e fundit nga