web counter
LEXO PA REKLAMA!

SHKARKO APP

App Store
Google Play

E fundit!

x

“Opozita ka pasur shumë bonuse”/ Kikia: Mungon kapitali politik dhe mobilizimi

16 Shkurt 2026, 20:49, Politikë CNA

“Opozita ka pasur shumë bonuse”/ Kikia: Mungon kapitali politik

Gazetari Mentor Kikia u ndal sot në një analizë të gjerë të asaj që mund të konsiderohet si prapaskenë e protestave të opozitës.

Në një dalje televizive, Kikia u shpreh se opozita ka pasur shumë ‘bonuse’ për t’i shfrytëzuar që do të kisjhin ndryshuar edhe realitetin politik, por kjo nuk iu kthye në kapital politik.

Sipas gazeetarit, opozita ka rritur dozën e agresivitetin në protestat e zhvilluar nga janari e më tej, pavarësisht se ende nuk është krijuar një mobilizim më i madh qytetarësh.

”Opozita ka pasur bonuse plot, që do të duhej të kishin ndryshuar realitetet politike që në zgjedhjet e vitit të kaluar. Pasi një qeveri që sipas opozitës kontrollon gjithçka dhe abuzon me pushtetin, fondet publike, administratën, por edhe qeveri e goditur brinjë më brinjë nga të gjitha aferat e skandaleve, do të duhej të ishte më e lehtë për tu rrëzuar. Por kjo nuk u përkthye në kapital politik për opozitën. Njerëzit që mund të mos ishin dakord për ta mbështetur qeverinë e Ramës për një mandat të katërt, nuk u panë të hidheshin në votën e opozitës, se numri i votave është po aty. Pra u pa që bënë mënjanë dhe nuk morën pjesë. Opozita rriti dozën e agresivitetit. Kjo është e dukshme me molotovë, përplasje, arrestime, konfrontime në përpjekje për të rritur presionin mbi qeverinë. Ka arritur të marrë vëmendjen e mediave ndërkombëtare, por nuk kemi parë që kjo të shënojë sërish një mobilizim të më shumë qytetarëve për t’u bashkuar”,-tha Kikia./CNA





Lajmet e fundit nga