web counter
LEXO PA REKLAMA!

SHKARKO APP

App Store
Google Play

Kikia: Ndryshimet në Kodin e Procedurës Penale, me debat dhe jo nga forca e kartonit të pushtetit

16 Shkurt 2026, 21:15, Politikë CNA

Kikia: Ndryshimet në Kodin e Procedurës Penale, me debat dhe jo nga

Gazetari Mentor Kikia tha sot se sheshimi i përplasjeve që lidhet me ndryshimet në Kodin e Procedurës Penale mund të ishte kryer në një moment tjetër politik.

Në një dalje televizive, Kikia u shpreh se ndryshime të tilla duhet t’i nënshtrohen së paku një debati.

Kikia ndau një qasje kritike se propozimi mund të mos bëhej në mënyrën arrogante, që lind nga forca e kartonave që socialistëve ua jep pushteti.

“Sheshimi i përplasjes mes asaj që njeh Kushtetuta dhe asaj që njeh ende Kodi i Procedurës Penale, do të duhej të ishte bërë në një moment më të qetë politik. Nuk ka institucion më të mirë sesa Gjykata Kushtetuse, që mund ta zgjidhë këtë me qetësi dhe mund të ishte zgjidhur në një moment që nuk do kishte këtë ngarkesë politike. Do të duhet të ishin padyshim bashkëpunëtorë me të gjitha palët. Duam apo nuk duam, shkon te leximi i përpjekjes për të krijuar mburojë imunitare. Do të duhet padyshim t’i nënshtrohej një debati, nuk po them referendum apo diskutime të grupeve të interesit, por në nivel ekspertës. Të mos bëhej në mënyrë arrogante, që lind nga forca e kartonave  që të jep pushteti”,- u shpreh Kikia./CNA





Lajmet e fundit nga