web counter
LEXO PA REKLAMA!

SHKARKO APP

App Store
Google Play

E fundit!

x

“Ia dhanë votën bufit dhe i shkatërroi”/ Rama: Zgjedhjet e 11 majit janë për pasaportën e BE-së

17 Prill 2025, 17:47, Politikë CNA

“Ia dhanë votën bufit dhe i shkatërroi”/ Rama:

Kryeministri Edi Rama ishte këtë pasdite në një takim në Dibër. Gjatë fjalës së tij, Rama vuri theksin te vota për zgjedhjet e 11 majit.

Rama tha se dibranët ia dhanë njëherë bufit votën dhe i shkatërroi, duke iu referuar rezultatit të PD-së në këtë qark vite më parë.

Rama u shpreh se këto zgjedhje janë edhe mundësia për pasaportën e BE-së, që ai e cilësoi si një status të ri për fëmijet dhe familjet shqiptare.

Rama shtoi se ky është momenti kur Shqipëria e ka derën e hapur dhe duhet ta shfrytëzojë.

“Ia dhanë njëherë bufit votën dhe i shkatërroi. Tani shqiptarët të bëhen bashkë që prap t’ia japin bufit, që tu rrijë në qafë shqiptarëve?!

Jo! Nuk kanë shqiptarët kohë për të humbur. Duhet të bëjnë të hyjmë me pasaportën e BE-së.

Pasaporta është statusi i ri për fëmijet dhe familjet tuaja. Për herë të parë në histori do të bëhën qytetarë të barabartë me ata në BE.  

Dhe kjo nuk është retorikë. Sot ne jemi jashtë rrethit të BE-së.

Me atë pasaportë hyn në çdo shtet dhe askush nuk të ndalon dot. Shkon në çdo universitet dhe nuk je student i huaj.Vitet e punës të njihen automatikisht. Si mund të lihet ky shans?!

Nëse ngatërrohemi me këmbët tona, dera mbyllet. I ndodhi Maqëdonisë më parë. Ne na është hapur dera dhe duhet të hyjmë”,-tha Rama./CNA





Lajmet e fundit nga