E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Shërbimet publike përmes teknologjisë/ Rama: Ka ulur kostot, pritjet në radhë dhe korrupsionin

17 Prill 2025, 12:10, Politikë CNA

Shërbimet publike përmes teknologjisë/ Rama: Ka ulur kostot,

Kryeministri Edi Rama ishte sot i pranishëm në takimin me temë: “Shqipëria me hapa të shpejtë drejt modernizimit të administratës publike përmes inteligjencës artificiale”. Takimi u zhvillua me drejtues institucionesh, partnerë ndërkombëtarë, përfaqësues të trupit diplomatik, ku mori pjesë edhe ministri për Ekonominë, Kulturën & Inovacionin, Blendi Gonxhja, dhe drejtuesja e AKSHI-t, Linda Karçanaj.

Rama u ndal te roli dhe përdorimi i shërbimeve publike që ofrohen online.

Në fjalën e tij, Rama tha se platforma online është përdorur nga 3.3 milionë shqiptarë, që janë aktivë brenda apo jashtë vendit.

Rama tha se prej vitit 2020 janë dhënë 49 milionë shërbime.

Rama shtoi se këto shërbime kanë shmangur qëndrimin në radhë, sportelet dhe kanë eliminuar korrupsionin.

“Janë 3.3 milionë përdorues, pra faktikisht gjithë shqiptarët që janë aktivë brenda apo jashtë vendit, përdorin platformën dhe bizneset, të gjitha e përdorin platformën dhe prej vitit 2020 janë dhënë 49 milionë shërbime.

Tani, përfytyroni 49 milionë qëndrime në radhë.

49 milionë kontakte sy më sy e vesh më vesh, frymë më frymë me shtetin nëpër sportele. 49 milionë radha. 49 milionë raste ku mundësia për të dalë të stresuar nga kontakti apo dhe për të pasur ndjesinë e një dore që të futet në pantallona për të të kërkuar lekë është një mundësi reale.

Të gjitha këto të eliminuara. Të eliminuara bashkë me mortjen e korrupsionit endemik që ishte një mortje që e persekutonte Shqipërinë në çdo sportel, në çdo hap.

Nuk ekziston më! Ne kemi bërë një audit ndërkombëtar të platformës për të kuptuar deri në fund se çfarë ka prodhuar ky transformim.

620 milionë euro të kursyera për qytetarët dhe bizneset vetëm nga ky transformim, vetëm nga asgjësimi i radhëve, vetëm nga kursimi i kohës.

1 miliard kilometra rrugë, 1 miliard kilometra rrugëtim vajtje-ardhje njerëzish për të marrë dokumentet ose se kjo më pëlqen, na i kanë vënë përpara si një shembull auditorët, 25 mijë xhiro rreth tokës”,-tha Rama./CNA