web counter
LEXO PA REKLAMA!

SHKARKO APP

App Store
Google Play

E fundit!

x

Kandidati i Ramës që kërkoi tërheqjen dhe hyri në garë për zgjedhjet e 2025-ës

17 Prill 2025, 09:40, Politikë CNA
Kandidati i Ramës që kërkoi tërheqjen dhe hyri në
Edi Rama

Më 28 korrik të vitit 2024 kryeministri Edi Rama në fjalimin e tij në Kongresin e PS-së, bëri me dije se Vullnet Sinaj i kishte kërkuar të përmbyllë rrugëtimin e tij në politikë duke njoftuar kështu edhe tërheqjen nga gara për zgjedhjet e 2025 të deputetit socialist.

Teksa Rama e merrte në mbrojtje dhe fliste me superlativa për deputetin, i ulur diku mes sallës, Vullnet Sinaj edhe u përlot nga fjalët e kryeministrit.

Kandidati i Ramës që kërkoi tërheqjen dhe hyri në

“Nuk do të kishim arritur shumëçka në këtë mandat të tretë, i kemi edhe deputetët, të cilët nuk mungojnë as kur duhet të ulen në karrige, kur duhet të marrin vendime, as kur duhet t'u japin këmbëve për të takuar zgjedhësit.

Vullnet Sinaj është njëri prej tyre. I ka në rregull punët e veta, do të thuhej në kafene, por në fakt Vullneti në rregull i kishte edhe pa hyrë fare te ne. Nuk është i vetmi kurrsesi, por ia zura emrin se më tha para disa kohësh se do ta mbyllë rrugëtimin e tij. Kurrë, asnjëherë nuk më ka shqetësuar për asgjë personale”, theksoi kreu i qeverisë.

Po ashtu, në një deklaratë të tijën në një dalje televizive, Vullnet Sinaj e pranoi se kishte paraqitur një kërkesë për tërheqjen e tij nga gara dhe se ishte dëshira e tij për t’u larguar.

Por çuditërisht nuk është tërhequr nga gara. Dhe jo vetëm që është në listë për të kandiduar, por CNA ka investiguar dhe ka zbuluar se si Vullnet Sinaj po përdor pazaret politike dhe paratë e bizneseve të tij në këtë fushatë. Pazare politike që shkojnë te qelitë e burgjeve dhe paratë e biznesit.

Kujtojmë se në 2024 u mblodh Këshilli i mandateve për Vullnet Sinajn pasi ky i fundit u akuzua nga opozita se ka shkelur Kushtetutën duke përfituar fonde publike nëpërmjet biznesit të tij./ CNA





Lajmet e fundit nga