web counter
LEXO PA REKLAMA!

SHKARKO APP

App Store
Google Play

E fundit!

x

"Korça e para që dha shenjën se Shqipëria mund të arrijë standarde europiane"/ Peleshi takim me elektoratin

16 Prill 2025, 17:17, Politikë CNA

"Korça e para që dha shenjën se Shqipëria mund

Turi i takimeve të drejtuesit politik të qarkut të Korçës Niko Peleshi u ndal në lagjen 7 të qytetit të Korçës ku ai zhvilloi një bashkëbisedim me banorët e kësaj zone. Gjatë takimit, Peleshi u shpreh se këto zgjedhje janë të rëndësishme për të ardhmen e Shqipërisë dhe për realizimin e qëllimit të madh: integrimit të plotë të vendit në Bashkimin Europian.

Ai theksoi se, për Partinë Socialiste, vota në këto zgjedhje është më shumë se thjesht një proces politik. Ajo është një angazhim për një të ardhme më të ndritur për të gjithë qytetarët shqiptarë, përfshirë anëtarësimin e Shqipërisë në BE me të drejta të plota.

“Vendoset fati i Shqipërisë dhe përmbyllja e një rrugëtimi që Shqipëria e ka filluar një shekull e gjysmë më parë. Me sytë nga Europa, gjithmonë shumë më afër edhe larg saj. Afër në kuptimin gjeografik, larg në kuptimin politik. Këto zgjedhje janë zgjedhje që vulosin një mandat që fillon me votën e 11 majit dhe të vazhdojnë për 4 vite, brenda të cilave me shumë gjasa, me shumë shpresë, me shumë besim, Shqipëria do ta përmbyllë mandatin e katërt të PS anëtare e Bashkimit Europian”, tha Peleshi.

 

Peleshi shtoi se ky proces është një mundësi për të siguruar një vend të denjë për Shqipërinë në Bashkimin Europian, duke e bërë këtë të mundshme vetëm me një qeverisje të përgjegjshme dhe të përkushtuar si ajo e Partisë Socialiste.

Më tej, ai theksoi ndryshimet e mëdha që janë realizuar gjatë viteve të qeverisjes së PS, të cilat kanë transformuar Shqipërinë dhe Korçën, duke e kthyer atë në një vend me një ekonomi më të qëndrueshme, një infrastrukturë më të zhvilluar dhe më të integruar me Europën.

Peleshi vuri në pah arritjet e PS, duke filluar nga përmirësimi i kushteve të jetesës për qytetarët, e deri tek investimet e rëndësishme në fushën e infrastrukturës, arsimit dhe shëndetësisë. Ai kujtoi se Shqipëria ka ndryshuar rrënjësisht që nga viti 2013 dhe këtë e dëshmojnë përmirësimet e dukshme që janë realizuar në çdo sektor të jetës.

“Korça ka qenë e para që dha shenjën se Shqipëria me punë mund të arrijë standarde dhe të bëhet e pranueshme për të qenë anëtare e grupit të madh të Bashkimit Europian. Kështu u punua këto tre mandate, pas vitit 2013, kudo, në gjithë Shqipërinë. Qytetet tona janë transformuar. Bëmë shumë reforma që kërkonin shumë guxim, shumë kosto”, u shpreh Peleshi.

Peleshi mbylli fjalën e tij duke apeluar për mbështetje masive për Partinë Socialiste duke theksuar se kjo është mundësia e fundit për të vazhduar procesin e integrimit dhe për të siguruar një të ardhme më të mirë për Shqipërinë dhe brezat që do të vijnë./ CNA





Lajmet e fundit nga