web counter
LEXO PA REKLAMA!

SHKARKO APP

App Store
Google Play

“Nuk ka mbështetje për turizmin”/ Berisha: Ta kthejmë në faktor të ekonomisë shqiptare

16 Prill 2025, 12:03, Politikë CNA

“Nuk ka mbështetje për turizmin”/ Berisha: Ta kthejmë

Këtë të mërkurë, ‘PD-ASHM’ po zhvillon një bashkëbisedim me shoqatat e turizmit. Takimi zhvillohet me pjesëmarrjen e kreut të PD-së, Sali Berisha.

Në fjalën e tij, Berisha theksoi se në një vend si Shqipëria, turizmi duhet të kthehet në faktor madhor për ekonominë. Berisha tha se nuk ka mbështetje për turizmin dhe akuzoi për favore ndaj sipërmarrësve të caktuar në këtë sektor.

“Duhet të bëhet maksimalizimi i këtij faktori madhor që kemi ne, turizmin. Është edhe çështje sigurie. Kur pret një turist, siguria është e detyrueshme. Ka një përgjegjësi ndaj tij. Në kushtet më favorizuese, do bëjë çdo gjë për turizmin. E keni parë si katandiset. Nuk është ky turizmi që vendi duhet të ketë. Nuk ka mbështetje. Mbështetje kanë ata që kanë hotele dhe u japin 5 yje ose leje për kazino. Kështu e dëmton thellë industrinë turistike. Narkoeruro është një monedhë toksike për ekonominë shqiptare”,-tha Berisha.

Gjithashtu, Berisha vuri në pah edhe njëherë potencialin turistik të vendit, prej burimeve natyrore të shumta që ofrohen kudo në Shqipëri.

“Shqipëria kudo përfaqëson një potencial real turistik.

Ky fakt është i njohur më mirë nga banorët, nga qytetarët shqiptarë kudo që ti shkon, në skajet më të largëta. Aty gjen përpjekje për të shpalosur potencialin lokal turistik. Aty gjen besim tek ata qytetarë se fshati i tyre, se zona e tyre, janë tërheqëse për turistët dhe janë me një fjalë burim i mundshëm të ardhurash ekonomike për ta.

Turizmi në Shqipëri ka potencial të pakufizuar për sa u përket resurseve natyrore dhe nuk ka diskutim që ky sektor ka njohur zhvillime të pamohueshme”,-tha Berisha./CNA





Lajmet e fundit nga