web counter
LEXO PA REKLAMA!

SHKARKO APP

App Store
Google Play

E fundit!

x

“Nuk u publikua për fushatë”/ Rama u përgjigjet komentuesve për projektin e hekurudhës

16 Prill 2025, 11:18, Politikë CNA

“Nuk u publikua për fushatë”/ Rama u përgjigjet

Kryeministri Edi Rama iu përgjigj pyetjeve të adresuara ndaj tij në rrjetet sociale. Rama u ndal te pyetjet e lidhura me projektin për hekurudhën Durrës-Prishtinë.

Një prej komenteve, sipas të cilave hekurudha s’do të mbarojë kurrë e që kryeministri zgjedh të publikojë pikërisht në kohë zgjedhore, Rama iu përgjigj se nuk ka lidhje me zgjedhjet, por me fazën e re të nivelit të projekt-idesë.

 “Ky projekt është prezantuar në çdo fazë të tijën, madje edhe në një mbledhje të përbashkët të dy qeverive kur ishte në nivelin e projekt-idesë. Pra nuk ka lidhje me zgjedhjet, por me fazën e re kur konsulentët austriakë kanë përcaktuar opsionin e kalimit nga Shkodra përmes Gjakovës në Prishtinë si më të mirin. Prandaj dhe ekipi ynë i përbashkët e ka parë të udhës ta bëjë me dije edhe mbylljen e kësaj faze, sepse jeta vazhdon.

E dyta, se sa do të kushtojë këtë do ta nxjerrë projekti i detajuar, i cili përsëri do të bëhet nga një ekspertizë ndërkombëtare e nivelit të lartë, do të aprovohet nga Fondi Europian i Investimeve të Ballkanit Perëndimor.

Por një gjë është e sigurtë, që pa lekë, hekurudha nuk bëhet dot dhe a do mbarojnë, a s'do mbarojnë këto projekte, këtë fatmirësisht nuk e kanë në dorë ata që vetëm shajnë dhe tallen nga kafenetë e Tiranës apo të Prishtinës, po e kanë në dorë ata që projektojnë dhe punojnë në llogoren e të ardhmes”,-tha Rama./CNA

 

 

 

 





Lajmet e fundit nga