web counter
LEXO PA REKLAMA!

SHKARKO APP

App Store
Google Play

Shqetësimi i PD-së/ Celibashi: Nuk ka asnjë mundësi që zgjedhësit t’i shkojnë dy zarfe

16 Prill 2025, 10:55, Politikë CNA

Shqetësimi i PD-së/ Celibashi: Nuk ka asnjë mundësi që

Kreu i KQZ-së, Ilirjan Celibashi, pas shqetësimit të PD-së për mbiprodhimin e zarfeve që do t'u dërgohen zgjedhësve jashtë, në një deklaratë për mediat ka sqaruar se nuk ka asnjë mundësi që një zgjedhësi t’i shkojnë dy zarfe. Sipas Celibashit, ka trefish kontrolle si nga DHL ashtu dhe nga KQZ.

“Nuk ka asnjë mundësi që një zgjedhësi t’i shkojnë dy zarfe. Ka trefish kontroll nga ana e operatorit dhe KQZ-së.  

Shqetësimi i prezantuar nga PD-ja nuk qëndron. Nuk ka asgjë për t'u shqetësuar, janë sqaruar e kanë kuptuar si funksionon sistemi. Çdo gjë po shkon shumë mirë. Njoftimin e kanë marrë përmes monitorueseve që kanë në KQZ. Ky proces monitorohet 24/7 edhe nga përfaqësues të partive politike”, tha Celibashi.

Nga ana tjetër ai u shpreh se procesi i dërgimit të fletëve të votimit jashtë nuk do të mund të përfundojë në 17 prill siç ishte parashikuar për shkak të shtimit të kontrolleve.

“Nuk do të mund të përfundojmë në datë 17 prill procesin për dërgimin e fletëve të votimit për shkak të ngarkesës së shtuar në kontrollin e procesit të dërgimit të zarfeve. Shtimi i kontrolleve ka shtyrë afatin e dërgimit të fletëve të votimit”, deklaroi kreu i KQZ-së./ CNA





Lajmet e fundit nga