web counter
LEXO PA REKLAMA!

SHKARKO APP

App Store
Google Play

Berisha: U them bandave mos guxoni të frikësoni qytetarët, do të shpalleni terroristë ndërkombëtarë

15 Prill 2025, 21:07, Politikë CNA

Berisha: U them bandave mos guxoni të frikësoni qytetarët, do

Kryetari i Partisë Demokratike, Sali Berisha, nga takimi në Vlorë është ndalur te blerja e votës.

Berisha tha se askush të mos guxojë të frikësojë qytetarët, pasi do të shpallen terroristë ndërkombëtarë dhe do të kenë ndëshkime të paimagjinueshme.

“Ndaj dhe u them bandave nga Shkodra deri në Gjirokastër e kudo që janë, mos guxoni të frikësoni qytetarët se ju jap fjalën e nderit, do shpalleni terroristë ndërkombëtarë, çka do të thotë se do keni ndëshkime që nuk i imagjinoni ju. Miq, ky është programi i Shqipërisë Madhështore.

Ky program ju fton ju, fton çdo opozitare dhe opozitar të bëhet misionar në paraqitjen e këtij programi te çdo qytetar shqiptar, te çdo socialist, te çdo i paparti. Ky program është për çdo shqiptar që e do këtë vend, që do të jetojë në Shqipëri, që do të prosperojë në Shqipëri. Por të shkojmë jo si politikanë, jo si zyrtarë, por të shkojmë si misionarë. Si misionarë dhe vetëm si misionarë. Edhe njëherë, mirënjohje të pakufishme për këtë pritje madhështore. Për këtë mesazh që i përcillini sot Shqipërisë si Vlora e fitores”, tha Berisha./ CNA





Lajmet e fundit nga