web counter
LEXO PA REKLAMA!

SHKARKO APP

App Store
Google Play

Akuzat për blerje votash/ Këlliçi i përgjigjet Ramës

15 Prill 2025, 16:13, Politikë CNA

Akuzat për blerje votash/ Këlliçi i përgjigjet Ramës

Drejtuesi politik i PD për Tiranën, Belind Këlliçi në një postim në rrjetet sociale i është përgjigjur kryeministrit Edi Rama sa i përket çështjes për blerjen e votës.

Këlliçi shkruan se Rama portretizoi PD si blerëse votash pasi përpiqet t’i gjejë problemet te opozita.

Më tej, Këlliçi i ka bërë thirrje SPAK të reagojë ndaj shkeljeve të rënda ligjore që prishin garën elektorale.

“Sot kreu i grupit të strukturuar rilindas paska sulmuar Partinë Demokratike, duke e portretizuar atë si blerëse të votave dhe problem për demokracinë. Është karakteristikë e autokratëve ta gjejnë problemin tek opozita dhe të përpiqen ta zhbëjnë atë. Kjo shkon në linjë edhe me thirrjen e tij kriminale antidemokratike ndaj elektoratit për ta intimiduar të votojë. Edi Rama është arkitekti i rrënimit të nivelit të diskutimit demokratik në vend. Thirrjeve të kryetarit të PD-së Sali Berisha për debat ai iu përgjigjet me tallavanë e zhabave, bufave dhe zhapikëve. Rama ka ndërtuar një Big Brother të madh politik, ku procedura ligjore e parlamentare është shndërruar në një spektakël fyes, me zarfa të zinj për bashkëpunëtorët e ngushtë dhe survejim patronazhist total të qytetarëve. Gjuha e tij bullizuese, fyese, në kufijtë e çmendurisë, është tashmë proverbiale, duke tejkaluar madje dhe kufijtë e Shqipërisë. Së fundmi, Partia Demokratike i drejtohet institucioneve, posaçërisht SPAK-ut, të reagojë ndaj shkeljeve të rënda ligjore që prishin garën elektorale. Të tilla janë të faktuara, qoftë edhe në faqen time në Facebook. Partia Socialiste e ka shndërruar blerjen dhe manipulimin e votës në institucion, me bashkëpunimin e biznesmenëve parazitë dhe bandave kriminale në Elbasan, në Durrës, në të gjithë Shqipërinë”, shkruan Këlliçi./ CNA





Lajmet e fundit nga