web counter
LEXO PA REKLAMA!

SHKARKO APP

App Store
Google Play

E fundit!

x

Varfëri në zemër të Tiranës/ Muçollari, me banorët: Qeverisja e PD-së e ndryshon situatën në 100 ditët e para

15 Prill 2025, 11:36, Politikë CNA

Varfëri në zemër të Tiranës/ Muçollari, me

Edhe në zemër të Tiranës, në lagjet rreth “Myslym Shyrit”, varfëria dhe pamundësia për të përballuar koston e jetesës është prezente.

Në takimet me banorët e kësaj zone, kandidati i PD-së në Tiranë, Grigels Muçollari, ka ndarë këto shqetësime për çmimet e larta dhe pagat e pensionet e ulëta.

Pensionistë që mezi marrrin 200 mijë lekë të vjetër në muaj shprehen se çmimet e produkteve bazë janë dyfishuar ndërkohë që të ardhurat e tyre janë po ato.

Ata shprehen se jetesa është bërë e papërballueshme.

Muçollari u ka bërë të ditur banorëve se angazhimi i PD-së me programin ekonomik e ndryshon tërësisht këtë situatë.

Vendosja e minimumit jetik 200 euro dhe rritja e pensioneve mbi këtë bazë deri në 20 për qind, do të sjellë kushte për pensionistët që të përballojnë jetesën.

Po ashtu, për më të pamundurit, paketa e konsumatorit parashikon rimbursimin e plotë të TVSH-së për produktet e shportës, që do të thotë se për një pensionist kjo masë ka vlerën e pothuaj dy pensioneve në një vit.

Kullat e larta dhe fasadat nuk kanë ndihmuar aspak në mirëqenien e banorëve të këtyre lagjeve. Nga viti në vit, ekonomia është përkeqësuar.

Vendosja e pagës minimale 500 euro, ulja e çmimit të energjisë, janë të tjera pika që parashikon programi i PD-së që do të lehtësojnë jetën e njerëzve.

Platforma ekonomike e Partisë Demokratike pritet mirë në çdo lagje e njësi të kryeqytetit.

Muçollari i garanton banorët se pas votës së 11 majit, situata ndryshon. Vendimet që lidhen me ekonominë e shumicës së qytetarëve, do të merren nga qeveria e re në 100 ditët e para./ CNA





Lajmet e fundit nga