web counter
LEXO PA REKLAMA!

SHKARKO APP

App Store
Google Play

“O Rame, do votë për të nxjerrë shokët e tu nga burgu”/ Basha ironizon Ramën me një video

15 Prill 2025, 13:52, Politikë CNA

“O Rame, do votë për të nxjerrë shokët e tu nga

Lulzim Basha ka vijuar sot mesazhet ironike ndaj kryeministrit Edi Rama. Në një video të shpërndarë në rrjetet sociale, Basha tha se Rama kujton se do t’ua hedhë njerëzve që e dinë se cilët zyrtarë janë hetuar apo janë në burg.

Në videon e tij, Basha përmendi Veliajn, Beqjan, Ahmetajn, Kokën dhe Dakon, disa prej politikanëve socialistë që janë hetuar ose dënuar nga institucionet e drejtësisë.

Basha tha se për Ramën, vota në 11 maj është votë për të nxjerrë shokët e tij nga burgu.

“O Rame, si paske thënë sot që ti ishe pro SPAK-ut dhe unë kundër?! Po shokët te '313' kush i ka mo Ram, unë apo ti? E Rame, kujton se do t'ua hedhësh njerëzve. Ka njeri që e beson mo Ram që Ilir Beqja firmoste koncensionet e shëndetësisë pa dijeninë tënde? Ka njeri që e beson që Erion Veliajt guxonte ta çonte në mend inceneratorin e Tiranës pa dijeninë tënde? Apo Arben ‘Tigri’ inceneratorët e Elbasanit dhe të Fierit. Apo Ter Koka, apo Gjush Dako?

E mo Rame, e ke thon vet ti ‘fap, fap, fap’, prandaj e ke merakun mo Ram, s’ikën dot nga vallja me shokët tek 7x7=313. Sa herë bohesh gati ti me ik nga vallja, të tërheqin prapë shokët nga mbrapa. Se burgu nuk është i lehtë për shokët mo Rame, mezi presin të mbash fjalën. Prandaj mo Ram, vota për ty në 11 maj, është votë për të nxjerr shokët e tu nga burgu mo Ram. Kurse vota për Koalicionin Euroatlantik, numri 4, është votë për t’i çuar të gjithë tek 7x7=313”,-u shpreh Basha./CNA

 





Lajmet e fundit nga