web counter
LEXO PA REKLAMA!

SHKARKO APP

App Store
Google Play

E fundit!

x

Programi i PD-së për biznesin/ Berisha: I japim përparësi biznesit të vogël

15 Prill 2025, 12:29, Politikë CNA

Programi i PD-së për biznesin/ Berisha: I japim përparësi

Kreu i Partisë Demokratike, Sali Berisha, zhvilloi sot një takim më tregtarët në Tregun Industrial në Tiranë. Gjatë takimit, Berisha u ndal gjerësisht te programi i PD-së për biznesin.

Në diskutimet me tregtaret, Berisha u shpreh se PD-ja synon t’i japë përparësi shumë të madhe biznesit të vogël, sepse punëson më shumë se çdo biznes tjetër.

Berisha tha se gjendja aktuale ekonomike merr fund më 11 maj dhe se PD-ja është e vendosur që 100 ditët e para ta ndryshojë këtë situatë.

“Kënaqësi që jam te ju për t’ju informuar për programin tonë sepse ne besojmë se programi ekonomik i çdo force politike, i intereson çdo qytetari.

Për ne, biznesi i vogël ka përparësi shumë të madhe sepse punëson më shumë se çdo biznes tjetër. Dhe punësim do të thotë rrogë, do të thotë jetesë më e mirë.

Për biznesin e vogël do të ulim energjinë nga 18 në 6 lekë. Do rrisim tavanin e taksave nga 140 mijë në 180 mijë euro pa taksa. Hapësira publike do t'u jepet me një çmim shumë herë më të ulët. Do falim të gjitha gjobat që janë vendosur mbi ju. Çdo gjobë do të falet mbi biznesin e vogël.

Ndërkohë, minimumi jetik për çdo shqiptar, për çdo pensionist me çfarëdolloj pensioni qoftë. Nuk do ketë pension nën 200 euro. Nuk do ketë njeri me ndihmë ekonomike nën 200 euro.

Do bëjmë gjithçka për listën e ilaçeve. Tani po lexoja, para se të vija këtu, një analizë zyrtare të INSTAT. Tregonte se nga viti 2019 gjer në vitin 2023, shpenzimet nga xhepi për shëndetësi të qytetarëve shqiptarë janë rritur 41 për qind.

Si janë rritur? Të gjitha aparaturat që blihen me paratë tuaja, lihen pa punë që të shkojnë qytetarët te privati.

Sot analizat në çdo spital 10 ditët e fundit të muajit nuk bëhen analiza se mbaron ai fitimi që nxjerrin dhe familjarët detyrohen t’i bëjnë analizat te privati.

Shqiptarët tani paguajnë në vit 820 milionë euro nga xhepi për kujdesin e tyre shëndetësor. Merr fund!

Kjo merr fund dhe ne jemi të vendosur që 100 ditët e para ta ndryshojmë këtë situatë”,-tha Berisha./CNA

 

 

 

 

 

 





Lajmet e fundit nga