web counter
LEXO PA REKLAMA!

SHKARKO APP

App Store
Google Play

E fundit!

x

“Paratë e krimit rrëzojnë ekonominë”/ Berisha: Në 100 ditët e para nis amnistia fiskale

15 Prill 2025, 11:37, Politikë CNA

“Paratë e krimit rrëzojnë ekonominë”/ Berisha:

Kreu i Partisë Demokratike, Sali Berisha, zhvilloi paraditen e sotme një takim në Tregun Industrial në Tiranë. Gjatë këtij takimi, Berisha u ndal edhe te programi i qeverisjes së 'PD-Shqipëria Madhështore'.

Gjatë takimit me tregtarët, Berisha tha se në 100 ditët e para, PD do të nisë aministi fiskale për bizneset e vogla.

Berisha tha se do të ulet çmimi i energjisë, do të përgjysmohet tarifa e ujit dhe do të ulen taksat për biznesin e vogël.

Berisha tha se paratë e krimit kanë rrëzuar ekonominë e vendit.

“Për biznesin e vogël, do të ulim çmimin e energjisë në 6 lekë. Tavani 140 mijë euro pa taksa do të shkojë 180 mijë euro.

Edhe kjo është një lehtësi, një frymëmarrje.

Taksat e bashkisë janë në absurditet, në nivel tjetër. Do të përgjysmojmë tarifën e ujit. Sot shkon 7-8% të xhiros taksa për biznesin.

Do ketë lehtësira edhe në dogana. Dhe kjo do ta bëjë furnizimin më të lirë. Jemi për tarifa të ulëta.

100 ditët e para nis amnistia fiskale për bizneset e vogla. Do të nisë amnistia edhe për gjobat e vogla.

Paratë e krimit po e rrëzojnë ekonominë përtokë. Po shkon çmimi sa në Mynih e në Paris. Është premtim solemn”,-tha Berisha./CNA





Lajmet e fundit nga