E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

A e manipuloi Maks Haxhia vendimmarrjen e Dhomës së Avokatisë në shërbim të klientit të tij?

15 Prill 2025, 12:54, Politikë CNA

Maks Haxhia

Një nga sekuencat e nxjerra nga bisedat e zbardhura të Erion Veliajt dhe personave të tjerë, sjell në vëmendje kërkesën që Veliaj i përcjell Maks Haxhisë.

Maks Haxhia u shfaq si avokat i zonjës Xoxa në ditën që ai sulmoi një Institucion të Lartë të Drejtësisë.

Pjesë nga përgjimet

Maks Haxhia është avokat penalist! Si i tillë ai është normale që të mbrojë qoftë edhe publikisht klientët e tij. Sidomos ata VIP!

Pakkush mund të ishte habitur nëse, p.sh. avokati Maks Haxhia, do të dilte dhe të atakonte magjistratë të caktuar për çështje të interpretimit ndryshe të veprimeve ose dispozitave të zbatuara nga magjistrat, të angazhuar në proceset kundër ndonjërit apo edhe të gjithë klientëve të Haxhisë.

Komunikimi publik mund të jetë një nga format se si avokati organizon mbrojtjen e klientit të tij.

Si e vuri në lëvizje Erion Veliaj Këshillin e Përgjithshëm të Dhomës së Avokatisë kundër ILD-së
4 Prill, 12:00

Por Maks Haxhia nuk doli si avokat i klientit të tij!

Maks Haxhia nuk e ka aplikuar ndonjëherë teknikën e komunikimit publik për ndonjë nga klientët e tij. Dhe si e tillë nuk mund të vlerësohet p.sh. ndonjë përgjigje dhënë me shpejtësi ndonjë gazetari, ndërsa paralelisht porosiste paketat e cigareve për klientin e arrestuar në sallë të gjyqit, ndërsa ndodhej në transmetim “live”. Epo nëse kjo do të quhej strategji, me siguri do të konsiderohej si tepër e keqe dhe aspak në favor të klientit.

Pra, si asnjëherë, avokati Maks Haxhia qëlloi që doli dhe foli në emër të gjithë profesionit të avokatëve penalistë.

Për hir të së vërtetës, duhet thënë se kësaj radhe nuk porositi “live” paketa cigaresh për dikë!

“Viso dy paketa” vijon të gënjejë për provat e SPAK-ut
13 Mars, 11:58

Por duke iu referuar një mbledhjeje të Përgjithshme të Dhomës së Avokatëve dhe vendimeve të asaj mbledhjeje, akuzoi një Institucion të Lartë të Drejtësisë për mosveprim.

Nuk tregoi ndonjë dispozitë ligjore dhe as ndonjë pretendim konkret ndaj Institucionit të Lartë të Drejtësisë, por akuzoi dhe paralajmëroi se do të shkruante edhe propozime ligjore për t'i vënë pikat mbi "i"-të e duhura.

Kemi frikë se nuk e teprojmë hiç, nëse vlerësojmë se Maks Haxhia në cilësinë e kryetarit të Dhomës së Avokatëve, pra në emër të të gjithë avokatëve penalistë, sulmoi dhe shantazhoi një nga institucionet e drejtësisë.(Lexo KETU)

Enigma e asaj shfaqjeje të pazakontë u fashit pasiqë pak javë pas daljes së çuditshme publike të Maks Haxhisë, u bë zbardhja e bisedave të Veliajt nga burgu. Nga ato biseda u zbardhën edhe porositë që Maksit i ishin përcjellë nga Erion Veliaj! Kronologjia e datave e vërteton këtë.

Kronologjia e datave vërteton se avokati i Erion Veliajt zgjodhi që të institucionalizonte sulmin duke përdorur organet e titullit profesional ku ushtron funksione si i zgjedhur me votë.

Apo mos vallë ai u zgjodh si avokat nga Veliaj pikërisht për shkak të funksionit si kryetar i Dhomës së Avokatisë?

Maks Haxhia

Kronologjia e shfaqjes së Maks Haxhisë si avokat i zonjës Xoxa dhe veprimet e para që ai ndërmerr menjëherë sapo zgjidhet si avokat, siç ishte organizimi i mbledhjes se avokatëve p.sh., të lënë të dyshosh edhe për këtë.

Gjithsesi, nga informacionet e mbledhura, nuk rezulton që Mbledhja e Përgjithshme e Avokatëve të ketë diskutuar ndonjë tekst deklarate ku të atakohej ndonjë institucion i caktuar i drejtësisë.

Sipas informacioneve, mbledhja ka vendosur që të dilet me deklaratë kundër gjyqeve popullore, si deklaratë në mbrojtje të të gjithë personave në hetim nga prokuroria ose ende në gjykim nga gjykata.

Në fund të fundit është afërmendsh që masa e avokatëve nuk mund të binte dakord që të mblidhej grusht bashkuar në mbrojtje rreth klientit të Maks Haxhisë!

Pse gënjejnë avokatët e Erion Veliajt?
7 Mars, 16:42

Por është fakt publik që Maks Haxhia ka folur në emër të të gjithëve!

Ndaj Maks Haxhia është i ftuar të publikojë tekstin e plotë të deklaratës së miratuar nga mbledhja si dhe aktet e depozitimit të asaj deklarate në regjistrat e Dhomës së Avokatisë.

Shpresojmë që të mos ngatërrohet dhe në vend të deklaratës të publikojë faturën e drekës pasuese te Xibraka.

Megjithëse lënda e diskutimit mund të ketë qenë e njëjta si në Mbledhjen e Përgjithshme të Avokatëve, ashtu edhe në drekën pasuese te Xibraka, fatura e majme e drekës nuk mund të zëvendësojë vendimin për të cilin foli kryetari i Dhomës së Avokatisë.

Për një gjë nuk ka më diskutim!

Avokati Maks Haxhia mori porosinë e Veliajt nga burgu që të sulmonte institucionet e drejtësisë.

“Dy paketa Visi” në aksion
24 Shkurt, 19:26

Avokati Maks Haxhia shfrytëzoi detyrën si kryetar i avokatëve dhe pasi i mblodhi avokatët, foli në emër të tyre dhe sulmoi institucionet e drejtësisë duke u fshehur pas një vendimmarrjeje të avokatëve.

Opsionet janë dy:

-ose Maks Haxhia ka manipuluar vendimmarrjen e mbledhjes së avokatëve;

-ose shumica e avokatëve votojnë sa herë që Maks Haxhisë i duhet t'u faturojë shërbime avokatie klientëve të tij, në këmbim të drekave që u jep Maksi te Xibraka ku mbushin barkun./ CNA