E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Zgjedhjet e 11 majit/ Dorëzohen 20 raporte shkeljesh në KQZ

15 Prill 2025, 18:25, Politikë CNA

Komisioneri Shtetëror i Zgjedhjeve, Ilirjan Celibashi vlerësoi sot gjatë një seance publike raportet e monitoruesve për periudhën e monitorimit 6 prill-12 prill 2025.

Gjatë kësaj periudhe janë dorëzuar 20 raporte shkeljesh nga monitoruesit e fushatës për bashkitë Tiranë, Kamëz, Peqin, Kukës, Lushnjë, Gjirokastër, Shijak, Korçë, për materiale propagandistike të vendosura pa shënimin shënimin “Prodhuar nën përgjegjësinë ligjore të subjektit zgjedhor, në kundërshtim me nenin 79, pika 3 e Kodit Zgjedhor.

Komisioneri vendosi t’u japë 24 orë afat subjekteve zgjedhore për vendosjen e shënimit përkatës, dhe në rast të mos kryerjes së këtij detyrimi nga ana e subjekteve, vendosi urdhërimin e Policisë Bashkiake për heqjen e materialeve propagandistike.

Në përfundim të shqyrtimit, KQZ vendosi fillimin e shqyrtimit administrativ ndaj:

1. Agjencisë Shtetërore për Mbështetjen dhe Zhvillimin e Startup-eve;

2. Drejtorisë Rajonale të Trashëgimisë Kulturore Gjirokastër;

3. Bashkisë Lezhë.

U miratua një ndryshim në vendimin nr.351/2025, të Komisionerit Shtetëror të Zgjedhjeve “Për caktimin e vendeve të numërimit të votave për zgjedhjet për Kuvend të datës 11 maj 2025”.

Urdhëri i miratuar parashikon që çdo KZAZ, me vendim të posaçëm, cakton si Koordinatorë të Sigurisë dy anëtarë të Komisioneve te Qendrave te Votimit për çdo vendndodhje QV-je, në përputhje me udhëzimet e miratuara nga KQZ, që janë propozuar një nga partia kryesore e shumicës parlamentare dhe tjetri nga partia kryesore e opozitës parlamentare.

KZAZ-ja harton dhe i dërgon KQZ-së dhe Policisë së Shtetit listën emërore të Koordinatorëve të Sigurisë, e cila përmban: emrin dhe mbiemrin, numrin e QV-së / ve dhe vendndodhjen, si edhe numrin e kontaktit personal.

Koordinatorët do të monitorojnë vazhdimisht mjediset e jashtme të QV-së, përfshirë oborret, hyrjet dhe perimetrin 150 metra.

Urdhëri i miratuar ditën e sotme adreson shqetësimet e ngritura nga OSBE-ODIHR, organizatat e shoqërisë civile dhe medias në zgjedhjet e kaluara, për praninë e personave të paautorizuar pranë qendrave të votimit në ditën e zgjedhjeve./CNA