web counter
LEXO PA REKLAMA!

SHKARKO APP

App Store
Google Play

E fundit!

x

Nis votimi i diasporës/ Rama: Historike, edhe peshon sa vetë mundësia historike për t’u bërë pjesë e BE-së

15 Prill 2025, 20:36, Politikë CNA

Nis votimi i diasporës/ Rama: Historike, edhe peshon sa vetë

Ditën e sotme ka nisur zyrtarisht votimi për votuesit nga jashtë. Për këtë ka bërë një reagim në rrjetet sociale dhe kryeministri Edi Rama.

Kryeministri shkruan se votimi i diasporës është historik. Rama ka ftuar edhe njëherë shqiptarët që më 11 maj të votojnë numrin 5 në fletën e votimit.

“Vota e diasporës ka hyrë përfundimisht në jetën tonë demokratike. Sot, në orën 07:15, zgjedhësi i parë nga jashtë vendit, me vendbanim në Erlangen, Gjermani, votues në Qarkun Dibër, ka marrë në shtëpi zarfin me fletën e votimit nga Komisioni Qendror i Zgjedhjeve! Ne e mbajtëm fjalën, tani u takon shqiptarëve ta përdorin votën e tyre.

Vota e shqiptarëve të Europës dhe botës në këto zgjedhje është historike jo vetëm në vetvete, po edhe sepse peshon sa vetë mundësia historike për ta bërë Shqipërinë tonë anëtare të Bashkimit Europian, duke mbyllur negociatat me BE-në brenda 2027. VOTO 5, mu në mes të fletës së votimit ku është kolona  #PartiaSocialiste  #EdiRama dhe jepe edhe ti dorën tënde për ta ngjitur flamurin më të bukur në botë në majën ku gjendet Shtëpia e Europës së Bashkuar”, shkruan Rama./ CNA





Lajmet e fundit nga