web counter
LEXO PA REKLAMA!

SHKARKO APP

App Store
Google Play

E fundit!

x

“Shqipërisë sot i duhen të rinjtë”/ Berisha: Programi i ‘Shqipërisë Madhështore’ do t'i bëjë realitet ëndrrat tuaja

16 Prill 2025, 14:15, Politikë CNA

“Shqipërisë sot i duhen të rinjtë”/ Berisha:

Kreu i PD-së, Sali Berisha, mori pjesë në një bashkëbisedim me të rinjtë e FRPD-së. Takimin e zhvilloi së bashku me këshilltarin e fushatës, Chris LaCivita.

Në fjalën e tij, Berisha tha se të rinjtë janë imazhi më i bukur, më njerëzor, më i besueshëm i fushatës elektorale.

Berisha u shpreh se sot Shqipërisë i duhen të rinj misionarë dhe nuk ka misionarë më bindës sesa të rinjtë.

Berisha tha se Aleanca ‘Shqipëria Madhështore’ ka projektin më të shkëlqyer në emrin e të rinjve, për të bërë realitet ëndrrën e tyre.

“Ju përshëndes dhe ju falënderoj shumë për ndihmesën shumë të madhe që ju po jepni në këtë fushatë. Siç kam theksuar, e theksoj, kjo fushatë e ka jetike që të ketë si fytyrë të veten fytyrën tuaj.

Ju, do të ishit dhe do të jeni imazhi më i bukur, më njerëzor, më i besueshëm i fushatës elektorale.

Ndaj dhe, ju ftoj të mendoni me kreativitet, me entuziazëm, për të gjithë fushatën, e cila kërkon që ne te qytetarët të mos shkojmë si politikanë, por të shkojmë si misionarë. Dhe nuk ka misionarë më bindës sesa të rinjtë.

Shqipërisë sot i duhen misionarë. Në situatën në të cilën ajo ndodhet, atë e shpëtojnë veëm misionarët. Kështu që, ju siguroj se programi i PD dhe aleatëve do të jetë një program që synon të bëjë realitet ëndrrat tuaja.

Ëndrra ‘Shqipëria Madhështore’, projektin më të shkëlqyer e ka në emrin tuaj, në ëndrrat tuaja të ditës (e ka ëndrra dite, ka ëndrra nate), të ditës janë ato për të cilat ne punojmë. Ndaj dhe, një program për të rinjtë, i cili nënkupton shkollim cilësor dhe të drejë shkollimi për të gjithë të rinjtë shqiptarë, nënkupton një përpjekje të shoqërisë për suksesin e të rinjve shqiptarë në jetë, punësimin e tyre, krijimin e familjes, mbështetja e madhe për suksesin e biznesit.

Pra, të gjitha këto janë elementë thelbësorë se, Shqipëria nuk mund të jetë kurrë Shqipëri madhështore pa rininë e saj madhështore, pa ëndrrën të bërë realitet të të rinjve të saj”,-tha Berisha./CNA





Lajmet e fundit nga