web counter
LEXO PA REKLAMA!

SHKARKO APP

App Store
Google Play

“Na ra goja, mos e hani karamelen”/ Rama: Në 2030, pensioni minimal 200 euro

16 Prill 2025, 13:00, Politikë CNA
“Na ra goja, mos e hani karamelen”/ Rama: Në 2030, pensioni
Kryeministri Edi Rama

Kryeministri Edi Rama, në një takim me fermerët në Cërrik, ka folur për pensionet duke kërkuar nga punonjësit që të mos pranojnë që në vendin e punës të marrin një pjesë të pagës në dorë dhe një tjetër në bankë, pasi kjo do të ndikojë te pensionet.

“Na ra goja duke u thënë njerëzve që janë në punë mos e hani karamelen që në sipërfaqe është e ëmbël, por brenda është e hidhur. Duke marrë një pjesë në dorë dhe një pjesë në bankë se në fakt po ta vjedh pensionin”, deklaroi Rama.

Ndër të tjera Rama u shpreh se në 2030 synojnë që të pensioni minimal të bëhet 200 euro për të gjithë.  

“Duam që në Shqipërinë 2030 duam të synojmë pensionin minimal 200 euro për të gjithë”, tha ai.

Sa i përket mbështetjes për fermerët, Rama tha se nëse bëhemi anëtarë të BE-së mbështetja do të shkojë deri në 300 milionë euro.

“Në mbështetjen për bujqësinë më pak se 200 milionë euro i kemi marrë nga BE në gjithë këto vite. Nëse bëhemi anëtarë të BE-së, 300 milionë euro janë vetëm për bujqësinë. Në mbështetjen që i bëjmë bujqësisë nuk janë vetëm nga BE-ja, por dhe nga qeveria”, deklaroi Rama./ CNA





Lajmet e fundit nga