web counter
LEXO PA REKLAMA!

SHKARKO APP

App Store
Google Play

Informaliteti në turizëm/ Berisha: Problem madhor që ndikon në potencialin e vendit

16 Prill 2025, 12:13, Politikë CNA

Informaliteti në turizëm/ Berisha: Problem madhor që ndikon

Kreu i Partisë Demokratike, Sali Berisha, zhvilloi sot një bashkëbisedim me shoqatat e turizmit në vend. Në fjalën e tij, Berisha u ndal tek informaliteti në turizëm.

Berisha u shpreh se turizmi ka një problem shumë madhor dhe ky është fakti që ka një shkallë informaliteti të jashtëzakonshëm.

Berisha tha se në krahasim me vendin e rajonit, Shqipëria regjistron më shumë turistë në net fjetjeje.

Berisha shtoi se formalizimi është edhe një çështje sigurie, e shtetit në raport me turizmin.

“Turizmi ka një problem shumë madhor.

Problemi madhor është informaliteti në të cilin noton ky sektor. Ky informalitet godet sipërmarrësit e ndershëm. Godet sipërmarrësit me investime transparente.

Ky informalitet në Shqipëri, po të shohim në krahasim me Malin e Zi, është i tillë. Mali i Zi me 2.8 milionë turistë në vit, regjistron 16.8 milionë net fjetjeje. Shqipëria me 10 milionë turistë në vit, regjistron 6, vitin e fundit 7 milionë net fjetjeje. Për të mos e krahasuar më pas me Kroacinë, e cila regjistron rreth 100 e ca milionë net fjetjeje.

Kështu që ne kemi një shkallë informaliteti të jashtëzakonshëm.

Formalizimi i turizmit është ndoshta një nga kushtet më themelore.

Janë trefishi, katërfishi i shtretërve, janë apartamente krahasuar me hotelet, çka në shumë aspekte e vendos në pozita të vështira industrinë hoteliere.

Ne nuk do përdorim dhe nuk kemi ndërmend të ndalojmë AirBnB, por formalizimi është një kusht i domosdoshëm në qoftë se ne duam ta shfrytëzojmë siç duhet këtë potencial madhor që kemi.

Formalizimi është edhe një çështje sigurie, sepse ti pret një turist, por ai që vjen në shtetin tonë ka një përgjegjësi ndaj tij dhe absolutisht ne në kushtet më favorizuese, do bëjmë gjithçka për formalizimin e turizmit.

Sepse nuk mund të ecet... shikoni një vend me këto potenciale të jashtëzakonshme se si katandiset me këtë informalitet të jashtëzakonshëm.

Nuk është ky zhvillimi i duhur që vendi duhet të ketë”,-tha Berisha./CNA

 

 

 

 





Lajmet e fundit nga