web counter
LEXO PA REKLAMA!

SHKARKO APP

E fundit!

x

Partneriteti Shqipëri-Izrael / Nënshkruhet Memorandum Bashkëpunimi në mjekësi

16 Prill 2025, 15:53, Politikë CNA

Partneriteti Shqipëri-Izrael / Nënshkruhet Memorandum

Ditën e sotme, ministrja e Shëndetësisë dhe Mbrojtjes Sociale, znj. Albana Koçiu, dhe ministri i Shëndetësisë së Izraelit, z.Uriel Buso, nënshkruan në Tiranë një memorandum dypalësh, i cili zgjeron fushat e bashkëpunimit në mjekësinë digjitale, fushën e emergjencave, teknologji, pajisje mjekësore, etj.

Ministrja e Shëndetësisë, znj.Koçiu, në komunikimin e saj për nënshkrimin e këtij dokumenti, theksoi rëndësinë e partneritetit.

 “Ky memorandum vjen në vazhdën e partneritetit me qendrën spitalore SHEBA, një nga më të mirat në botë, për transformimin e Spitalit Onkologjik. Ka nisur puna për modernizimin e protokolleve të trajtimit, si dhe rritjen e kapaciteteve të mjekëve tanë”,-tha Koçiu.

Duke vënë në dukje rëndësinë e këtij partneriteti strategjik në fushën e shëndetësisë, Koçiu u shpreh se ky bashkëpunim ka një synim të qartë: standarde europiane dhe trajtim dinjitoz për qytetarët tanë.

Vizita e ministrit Buso u parapri nga disa shkëmbime intensive midis dy vendeve. Disa ditë më parë, Kryeministri Rama realizoi një vizitë zyrtare në Izrael. Ministrja Koçiu vizitoi kompleksin SHEBA në mars, ndërsa në shtator 2024, Shqipëria priti vizitën historike të Presidentit Isaac Herzog./CNA





Lajmet e fundit nga