web counter
LEXO PA REKLAMA!

SHKARKO APP

App Store
Google Play

Krijohet Kuratoriumi për Sigurinë Rrugore/ Ministri Hoxha: Sfidë e rëndësishme sociale

16 Prill 2025, 15:00, Politikë CNA

Krijohet Kuratoriumi për Sigurinë Rrugore/ Ministri Hoxha: Sfidë

Siguria rrugore është një fushë ku angazhimi i kujtdo është shumë i vlefshëm. Përmes një iniciative të një grupi ekspertësh dhe emrash të njohur në shoqëri, sot u krijua Kuratoriumi për Sigurinë Rrugore.

Në fjalën e tij, ministri i i Brendshëm, Ervin Hoxha, tha se kjo fushë është një nga më kryesoret dhe qeveria i jep rëndësi sigurisë rrugore.

Hoxha tha se një dukuri që ndodh në rrugët tona janë aksidentet mjet me këmbësorë. Mbi 35% të rasteve në vend janë të tilla.

“Jam sot mes ish-kolegësh dhe emrash të njohur të kësaj fushe. Kjo fushë është një nga më kryesoret. Qeveria e ka kryesore sigurinë rrugore.

Më duhet të pranoj se Policia Rrugore nuk është si më parë. Kjo edhe prej teknologjisë së re. Ka matës të rinj të testit të drogës dhe alkoolit. Ka pajisje të reja për kontrollin e qarkullimit rrugor.

Një dukuri që ndodh në rrugët tona janë aksidentet mjet me këmbësorë. Mbi 35% e rasteve në vend janë të tilla. Kjo na bën të punojmë dhe motivohemi më shumë në këtë fushë.

Kjo siguri është një sfidë sociale. Ky vizion bazohet në programet e reja qeveritare”,-tha Hoxha./CNA





Lajmet e fundit nga