web counter
LEXO PA REKLAMA!

SHKARKO APP

App Store
Google Play

Berisha: Në 2013 Shqipëria nuk ishte një vend i mëkëmbur plotësisht, por ishte me shpresë

16 Prill 2025, 20:21, Politikë CNA

Berisha: Në 2013 Shqipëria nuk ishte një vend i

Kryetari i Partisë Demokratike, Sali Berisha ishte i pranishëm në takimin me banorët e njësisë 5.

Berisha në fjalën e tij, tha se në 2013 Shqipëria nuk ishte një vend i mëkëmbur plotësisht, por ishte vend me shpresë dhe numri i shqiptarëve po rritej nga viti në vit.

Më tej, kreu i PD u ndal dhe të turizmi, për të cilin tha se nga 300 mijë që ishin në vitin 2004, në vitin 2013 numri arriti në 4.7 milionë.

“Në vitin 2013, Shqipëria nuk ishte parajsë dhe nuk ishte një vend i mëkëmbur plotësisht, por ishte vend me shpresë dhe numri i shqiptarëve po rritej nga viti në vit. Shqipëria nuk ishte një vend i mëkëmbur të themi, por ama Shqipëria doli nga honet e historisë në raport me varfërinë. Kishte ardhur në shekuj si grupi i vendeve më të varfra të planetit dhe arriti në vitin 2008 të dalë në grupin e vendeve me të ardhura të mesme të larta. Dhe arritëm të kemi rrogat më të larta dhe pensionet më të larta në rajon. Kjo ishe krenari kombëtare sepse nuk kishte pse të ishim ne njerëzit më të keqpaguar, kur në një kohë ne në këtë tokë, në këtë vend kemi pasuritë më të mëdha, më ta paçmuara se çdo vend tjetër. Pra, një mekanizëm u vendos në këtë vend. U vendos një mekanizëm që bënte të mundur rritjen e përvitshme të rrogave dhe pensioneve. Bënte të mundur ndarjen nga ajo trashëgimi e rëndë e prapambetjes me rrugë që vinin nga mesjeta shumë prej tyre. U ndryshua infrastruktura.

Turizmi që flasim sot, nga 300 mijë që ishin në vitin 2004, arritën në 4.7 milionë në vitin 2013. Pra, e lamë pushtetin në një Shqipëri, në një Shqipëri të cilës shqiptarët e besonin, në një Shqipëri në të cilën u kthyen 180 mijë shqiptarë në dy vitet e fundit”, tha Berisha./ CNA





Lajmet e fundit nga