E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Kush është eksperti i reformës "Xhafaj", që nuk ka pasur kurrë librezë pune

17 Prill 2025, 11:08, Politikë CNA

Kush është eksperti i reformës "Xhafaj", që nuk ka

Në javën e parë të këtij muaji është organizuar nga Kuvendi i Shqipërisë takimi i dytë për gjetjet e komisionit të Posaçëm të Fatmir Xhafajt, enveristit të fundit, njeriut që dikur thoshte se është babai i reformës në drejtësi në Shqipëri dhe tani kërkon ta çmontojë atë sepse po arrestohen zyrtarë dhe hajdutë të Rilindjes.

Pjesë e grupit të ekspertëve në panelet e diskutimit ku është prezantuar edhe drafti i Planit Kombëtar të Veprimit për Mirëqeverisjen, Antikorrupsionin dhe Sundimin e Ligjit është dhe Dr. Klodian Rado.

Rado rezulton se është pjesë e grupit të ekspertëve të cilët bënë një përmbledhje të gjetjeve dhe rekomandimeve lidhur me draftin e Planit Kombëtar të Veprimit lidhur me shtyllën e Sundimit të Ligjit duke u fokusuar në garantimin e ndarjeve të pushteteve, pavarësinë e institucioneve të pavarura, rolin e Kuvendit në përmirësimin e sistemit të drejtësisë, etj.

Por kush është Dr.Klodian Rado?

Dr. Klodian Rado është një konsulent emigracioni në Kanada dhe pedagog në Universitetin York në Kanada.

Por përtej CV-së së tij, Klodian Rado është njeriu që nuk arriti të provojë para Këshillit të Emërimeve në Drejtësi (KED) se kishte 15 vite përvojë si “jurist”, një kusht ligjor për të kandiduar për Inspektorin e Lartë të Drejtësisë.

Kandidati Klodian Rado, në mars 2019, dorëzoi aplikimin e tij për postin që do të realizojë inspektimin e të gjithë gjyqtarëve dhe prokurorëve. Sipas konstatimeve të Këshillit të Emërimeve në Drejtësi, në momentin e aplikimit, kandidati Rado nuk e plotësonte kriterin e vjetërsisë në profesion.

KED vendosi të ndalojë kandidimin e juristit Rado me vendimin e datës 2 gusht 2019.

Klodian Rado, i cili ka punuar si ekspert pranë misionit EURALIUS, dështoi të provonte se ka paguar taksat për punësimin e tij gjatë periudhës 2003-2006, fillimisht si asistent në një zyrë avokatie dhe më tej në shoqatën “Për qytetërim e drejtësi”.

Kandidati Rado e ka pranuar pamundësinë për të siguruar dokumente ligjore për të provuar, sidomos punësimin në zyrën e avokatisë, por ai ka deklaruar se është i gatshëm që të provojë thëniet e tij me dëshmitarë. Ky sugjerim nuk është pranuar nga Këshilli i Emërimeve në Drejtësi, i cili konsideron si provë vetëm dokumentet dhe jo dëshmitarët.

Në një komunikim me Këshillin e Emërimeve në Drejtësi, aplikanti për postin e ILD-së, Rado, është shprehur se:

“Në dijeninë time, për fat të keq, unë nuk kam e nuk jam pajisur asnjëherë me librezë pune. Të gjithë punëdhënësit e mi të mëparshëm, subjekte publike apo private, brenda apo jashtë Shqipërisë, nuk më kanë kërkuar dhe, si rrjedhojë, nuk më kanë firmosur asnjëherë këtë dokument”.

Më tej, në nëntor të 2019-ës, pasi KED vendosi të ndalojë kandidimin e tij, Rado bëri një kërkesë për heqje dorë nga kandidimi me justifikimin se duhej të shkonte pranë familjes në Kanada.

Rado po ashtu së fundi ka kandiduar për anëtar në Gjykatën Kushtetuese.

Sot Klodian Rado që nuk arriti të vërtetonte vitet e tij të eksperiencës për mospagim taksash për punësimin e tij dhe përfitoi 2 paga me 100% e pagës bruto mujore për pozicionin e këshilltarit, është ekspert në Komisionin e Posaçëm të enveristit të fundit që kërkon të integrojë Shqipërinë në BE, njeriut që qëndron pas shumë skandalesh dhe aferash./ CNA