“Paketa sociale për shqiptarët”/ Rama, nga Burreli: Nuk tregojmë përralla

17 Prill 2025, 14:13, Politikë CNA

“Paketa sociale për shqiptarët”/ Rama, nga Burreli: Nuk

Kryeministri Edi Rama zhvilloi sot një takim në Burrel për prezantimin e Paketave Sociale për qytetarët. Kjo paketë ka në fokus fëmijët me aftësi ndryshe, gratë, të rinjtë dhe të moshuarit, duke nisur nga kujdesi shëndetësor, strehimi social, mbështetja për punësim dhe bonuset e veçanta sipas kategorive.

Në fjalën e tij, Rama u ndal te dy kategori që duhen ndryshuar: bonusi i bebes dhe pensionet.

Rama u shpreh se do të rikonceptohet programi i bonusit të bebes duke filluar nga 2026. Sa i përket rishikimit të pensioneve, ata që marrin më pak se kanë më pak vite pune të deklaruara i quajti viktima të politikës absurde dhe kriminale.

Rama shtoi se këto janë dy nga betejat kryesore.

“Do t’i thellojmë paketat duke synuar hapjen e më shumë rrugëve për nxitjen e punësimit dhe nxjerrjen nga ndihma ekonomike të atyre që janë të aftë për punë. Dyfishojmë mbështetjen për fëmijët me aftësi speciale, dhe nënat e tyre. Do ta rikonceptojmë programin e bonusit të bebes duke filluar nga 2026, dhe në vend të ndihmës financiare me çek, ecim me skemë tjetër më të avancuar sipas numrit të fëmijëve, me pagesa mujore dyvjeçare 3 dhe 5-vjeçare.

Sipas numrit të fëmijëve, kush bën më shumë do t’i rrimë më afër më shumë. Kemi bërë projektin dhe kemi 20 ndërmarrje sociale për punësimit e grave që është shumë i rëndësishëm.

Betejë kryesore janë pensionet. S’kemi dashur të tregojmë përralla, për këtë ka të tjerë që janë më të zot. E sigurt që s’ka gjë në dorë dhe s’do të ketë gjë në dorë. Nga ana tjetër, është e qartë për ne që viktimat e politikës absurde dhe kriminale me pensionet dhe pensionistët deri kur bëmë reformën që sot nuk përfitojnë pension dinjitoz, ndërkohë që ata kanë dalë dhe dalin në pension pas reformës, kanë pensione të tjera. Kjo gjë nuk përmendet.

Nuk u bë politikë pensionesh, por një çmenduri dhe u nxorën njerëzit në pension 40 vjeç, u vu një tavan pensioni më i lartë 200 mijë dhe s’kishte më rëndësi nëse kishe paguar sigurime, s’e kaloje 200 mijë lekëshin”, -tha Rama./CNA