web counter
LEXO PA REKLAMA!

SHKARKO APP

App Store
Google Play

“Shqiptarët duhet të votojnë të lirë”/ Berisha: Zgjedhjet po i vëzhgon gjithë Europa

17 Prill 2025, 13:24, Politikë CNA

“Shqiptarët duhet të votojnë të lirë”/

Kreu i Partisë Demokratike, Sali Berisha, mbajti një konferencë për median mesditën e kësaj të enjteje. Nga selia e PD-së, Berisha u ndal te zgjedhjet e 11 majit.

Në fjalën e tij, Berisha tha se procesin zgjedhor po e vëzhgon gjithë Europa.

Berisha përmendi delegacionet e rëndësishme që vizituan Shqipërinë pikërisht për zgjedhjet.

Berisha tha se të gjithë ata që po kryejnë krime zgjedhore duhen shpallur organizata terroriste.

Berisha shtoi se PD-ja do të bëjë gjithçka që shqiptarët të votojnë të lirë.

“Po vazhdon çdo orë, çdo ditë. Mund t'ju them ju se kurrë ndonjëherë në historinë e këtij vendi nuk janë mbajtur dy hiring ndërkombëtarë për zgjedhjet në Shqipëri, siç ndodhi javën e kaluar në Këshillin e Europës dhe Parlamentin Europian, çka do të thotë se nuk ka më sy të mbyllur, por janë të hapur katërcipërisht dhe projektorët, jo vetëm tanët, por edhe të Europës dhe miqve tanë kudo, janë të përqendruar në këtë proces zgjedhor.

Delegacione nga më të rëndësishme të OSBE-së vizituan Shqipërinë pikërisht për zgjedhjet.

Ne kemi dorëzuar emër e mbiemër të të gjithë atyre që po kryejnë krime zgjedhore, por ne i garantojmë se krimi zgjedhor do të quhet krim i rëndë, do të kualifikohet krim i rëndë dhe ky është zotim solemn elektoral dhe se organizatat kriminale që po angazhohen në krimin zgjedhor, do të bëjmë gjithçka për t'i shpallur organizata terroriste, jo vetëm Shqipëria, por edhe faktori ndërkombëtar.

Presidenti Donald Trump i hapi derën kësaj procedure dhe ai me një urdhër të veçantë shpalli kartelet e drogës, organizata terroriste. Ne do t'i shpallim organizata terroriste dhe do të lobojmë shumë në Europë dhe SHBA që këto të konsiderohen të tilla edhe nga mbarë faktori ndërkombëtar.

Ne bëjmë gjithçka që shqiptarët të votojnë të lirë dhe po bëjmë gjënë e duhur”,-tha Berisha./CNA





Lajmet e fundit nga