web counter
LEXO PA REKLAMA!

SHKARKO APP

App Store
Google Play

Gjekmarkaj zbërthen strategjinë e Bashës/ Pse nuk shfaqet më në skenën politike

17 Tetor 2022, 22:38, Politikë CNA
Gjekmarkaj zbërthen strategjinë e Bashës/ Pse nuk shfaqet më
Lulzim Basha dhe Agron Gjekmarkaj

Deputeti Agron Gjekmarkaj ka zbërthyer mbrëmjen e sotme strategjinë e Lulzim Bashës, i cili po shfaqet gjithmonë e më rrallë në skenën politike pas raportimeve të mediave ndërkombëtare për financimet ruse.

Gjekmarkaj tha në emisionin “Now” me Erla Mëhillin se Basha është distancuar për t'u pranuar sërish nga publiku.

Ai deklaroi se duke qenë se gjërat nuk po shkojnë shumë mirë në vend, ish-kryetari i PD-së synon që njerëzit të kenë nostalgji për lidershipin e tij, gjë që sipas deputetit është e pamundur.

“Është larguar, nuk ndjehet askund, nuk duket askund, nuk shihet. Në Parlament vjen shumë rrallë, mund të vinte, mund të fliste për problemet e vendit, mund të fliste për problemet e Qeverisë, mund të ishte aktiv në media, ndërkohë që është totalisht i tërhequr.

Kjo është një strategji komunikimi kuptohet, është një lloj mistifikimi për tu mistifikuar dhe në mungesë të bëhet i pranueshëm dhe rezulton që gjërat po shkojnë kaq keq që mbetemi t’i kthehemi përsëri Bashës, por i shoh shumë të paktë njerëzit që kanë nostalgji që zoti Basha të rikthehet në krye si lider, por që Basha të jetë aty si një deputet, mendoj i mungon detyrës së tij për sa kohë rri i heshtur edhe si deputet”, theksoi Gjekmarkaj./ B.A. – CNA.al





Lajmet e fundit nga